ஸ்வீட் கொடுக்க "லேட்"... கொந்தளித்த எம்.எல்.ஏ. மீது கொதிக்கும் எண்ணையால் அபிஷேகம்!
பாட்னா: பீகாரில் ஸ்வீட் கடை ஒன்றில் நடந்த தகராறில் எம்.எல்.ஏ. மீது கடை உரிமையாளர் கொதிக்கும் எண்ணெயை ஊற்றியதால் பரபரப்பு ஏற்பட்டது.
பீகார் மாநிலம் பீளகஞ்ச்சட்டசபை தொகுதி ராஷ்டிரிய ஜனதா தல எம்.எல்.ஏ சுரேந்திர பிரசாத் யாதவ். இவர் கடந்த ஞாயிற்றுக்கிழமை கயாவிற்கு சென்று விட்டு பீளகஞ்ச் திரும்பி கொண்டு இருந்தார்.
அப்போது, வழியில் கயா திகிரி ரோட்டில் உள்ள ஸ்ரீராம் தில் குத் பந்தர் என்ற கடையில் ஸ்வீட் வாங்கச் சென்றுள்ளார் சுரேந்திரா. ஸ்வீட் கொடுக்க கால தாமதம் ஆகியுள்ளது. ஆத்திரமடைந்த சுரேந்திரா கடை உரிமையாளரைத் திட்டியுள்ளார்.
இதனால், இருவருக்கும் இடையே வாய்த் தகராறு ஏற்பட்டுள்ளது. அப்போது, கோபத்தில் சுரேந்திரா மீது கொதிக்கும் எண்ணெயை ஊற்றி உள்ளார் கடை உரிமையாளர்.
இதில் எம்.எல் ஏயின் காது மற்றும் கழுத்துபகுதியில் பலத்த காயம் உண்டானது. உடனடியாக சுரேந்திரா அருகில் உள்ள மருத்துவமனையில் சிகிச்சைக்காக சேர்க்கப்பட்டார்.
இச்சம்பவம் தொடர்பாக சுரேந்திரா தரப்பில் ஒரு புகாரும், ஸ்வீட் கடை உரிமையாளர் தரப்பில் ஒரு புகாரும் அளிக்கப் பட்டுள்ளது. இது தொடர்பாக போலீசார் விசாரணை நடத்தி ஸ்வீட் கடை உரிமையாளர் மீது மட்டும் வழக்குப் போட்டுள்ளனராம்.
Click it and Unblock the Notifications
Sign in with Google