சுவர் ஏறி குதிக்க சொல்லி பாஜக மிரட்டல்...ஹைதராபாத் 'எஸ்கேப்' குறித்து காங். பகீர் தகவல்

காங்கிரஸ், மஜத எம்எல்ஏக்கள் பெங்களூரில் இருந்து நேற்று இரவோடு இரவாக ஹைதராபாத் சென்று இருக்கிறார்கள்.

சென்னை: பெங்களூரில் ஈகிள்டன் சொகுசு ஹோட்டலில் இருந்த போது, பாஜகவினர் கால் செய்து காங்கிரஸ் மற்றும் மஜத எம்எல்ஏக்களை தொந்தரவு செய்துள்ளனர். ஹோட்டல் சுவரில் இருந்து ஏறி வெளியே குதிக்க சொல்லி உள்ளனர்.

கர்நாடகாவில் எந்தக் கட்சிக்கும் பெரும்பான்மை பலம் கிடைக்காத காரணத்தால் பெரிய குழப்பமான சூழ்நிலை நிலவி வருகிறது. பாஜக 104 தொகுதிகளில் வென்று இருந்தாலும் அந்த கட்சிக்கு பெரும்பான்மை கிடைக்கவில்லை. 78 இடங்களில் வென்ற காங்கிரஸ், 38 தொகுதிகளில் வென்ற மஜத உடன் இணைந்து ஆட்சி அமைக்க உரிமை கோரி இருந்த போதும், பாஜகவிற்கே ஆளுநர் அழைப்பு விடுத்துள்ளார்.

இதனால் தற்போது கர்நாடகாவில் குதிரை பேரம் நடக்கும் நிலை உருவாகி உள்ளது. இதனால் காங்கிரஸ் கட்சியும், மஜத கட்சியும் எப்படியாவது தங்கள் எம்எல்ஏக்களை பாதுகாத்துக் கொள்ள முடிவெடுத்து கஷ்டப்பட்டுக் கொண்டு இருக்கிறார்கள்.

இப்போது காங்கிரஸ், மஜத எம்எல்ஏக்கள் எல்லோரும் ஹைதராபாத் சென்றுள்ளனர். தெலுங்கானாவில் உள்ள பார்க் ஹயாட் சொகுசு விடுதியில் அவர்கள் தங்க வைக்கப்பட்டுள்ளனர். அதேபோல் இன்னும் இரண்டு ஹோட்டல்களில் தனி தனியாக பிரித்தும் வைக்கப்பட்டுள்ளனர். கொள்கை அடிப்படையில் யாருக்குள்ளும் சண்டை வரக்கூடாது என்பதற்காக தனித்தனியாக பிரித்து வைக்கப்பட்டுள்ளனர்.

இந்த நிலையில் அவர்கள் பெங்களூரில் இருந்த போது நடந்த சுவாரசியமான சம்பவம் ஒன்று வெளியாகி உள்ளது. அதன்படி பெங்களூரில் ஈகிள்டன் சொகுசு ஹோட்டலில் இருந்த போது, பாஜகவினர் கால் செய்து காங்கிரஸ் மற்றும் மஜத எம்எல்ஏக்களை தொந்தரவு செய்துள்ளனர். ஹோட்டல் சுவரில் இருந்து ஏறி வெளியே குதிக்க சொல்லி உள்ளனர்.

தொடர்ந்து இப்படி டார்ச்சர் செய்துள்ளனர், அதோடு சிலரை வெளியே வர சொல்லி போன் செய்து மிரட்டியும் இருக்கிறார்கள். கடைசியில் யாரும் வரவில்லை என்றதும், அந்த ஹோட்டலுக்கு அளிக்கப்பட்ட பாதுகாப்பையும் திரும்ப பெற்றுள்ளனர். இதுவே தற்போது பெரிய பிரச்சனை ஆகியுள்ளது.

இந்த தொடர் பிரச்சனை காரணமாகவே ஹைதராபாத்திற்கு மாறியதாக காங்கிரஸ் மற்றும் மஜத கூறியுள்ளது. பாஜக தொடர்ந்து பிரச்சனை செய்ததால், பாதுகாப்பு கருதி இப்படி இடம் மாறியதாக விளக்கம் அளித்துள்ளது.

English summary

One Congress MLA claims that he got a call from BJP to jump the wall of resort and board the BJP car that was waiting outside. This is the reason Congress quoting as reason to taking MLAs to Hyderabad.