மோடியின் சொந்த ஊரிலேயே பாஜகவிற்கு தோல்வி!
மோடியின் சொந்த ஊரான வத்நகரில் பாஜக கட்சி வேட்பாளர் தோல்வி அடைந்து இருக்கிறார்.
Recommended Video
அஹமதாபாத்: மோடியின் சொந்த ஊரான வத்நகரில் பாஜக கட்சி வேட்பாளர் தோல்வி அடைந்து இருக்கிறார். வத்நகர் உள்ள உன்ஜா தொகுதியில் காங்கிரஸ் வேட்பாளர் ஆஷா பட்டேல் வெற்றி பெற்றுள்ளார்.
குஜராத்தில் தற்போது வாக்கு எண்ணிக்கை நடந்து முடிந்துள்ளது. 182 தொகுதிகளில் பாஜக 99 இடங்களில் வெற்றி பெற்று இருக்கிறது. காங்கிரஸ் 79 இடங்களில் வெற்றி பெற்று இருக்கிறது.
பாஜக வெற்றி உறுதியாகி உள்ளதால் அந்த கட்சி தொண்டர்கள் கொண்டாட தொடங்கி உள்ளனர். ஆனால் மோடி பிறந்த ஊரான வத்நகரில் பாஜக கட்சி தோல்வி அடைந்து இருக்கிறது.
வத்நகர் அமைந்து இருக்கும் உன்ஜா தொகுதியில் காங்கிரஸ் வேட்பாளர் ஆஷா பட்டேல் வெற்றி அடைந்து இருக்கிறார். உன்ஜாவில் போட்டியிட்ட பாஜக வேட்பாளர் பட்டேல் நாராயண பாயை விட இவர் 19,529 வாக்குகள் அதிகம் பெற்று உள்ளார்.
2012ல் நடந்த சட்ட சபை தேர்தலில் பாஜக வேட்பாளர் பட்டேல் நாராயண பாய் 24201 வாக்குகள் வித்தியாசத்தில் அதே தொகுதியில் வெற்றிபெற்று இருந்தார். தற்போது இவர் காங்கிரஸ் வேட்பாளரிடம் தோல்வி அடைந்துள்ளார்.
பாஜக வேட்பாளர் பட்டேல் நாராயண பாய் 62,268 வாக்குகள் பெற்றார். காங்கிரஸ் வேட்பாளர் ஆஷா பட்டேல் 81,797 வாக்குகள் பெற்றுள்ளார்.
மோடியின் சொந்த ஊரிலேயே பாஜக வேட்பாளர் தோல்வி அடைந்து இருப்பது பாஜக கட்சியினர் இடையே கலக்கத்தை உண்டாக்கி உள்ளது.