இமாச்சலில் ஆட்சியை பறிகொடுத்தது காங்கிரஸ்! பாஜக முதல்வர் வேட்பாளர் தோல்வி!

ஹிமாச்சல பிரதேச தேர்தலில் பாஜக முதல்வர் வேட்பாளர் பிரேம் குமார் துமல் தோல்வி அடைந்து உள்ளார்.

சிம்லா: ஹிமாச்சல பிரதேச தேர்தலில் பாஜக முதல்வர் வேட்பாளர் பிரேம் குமார் துமல் தோல்வி அடைந்து உள்ளார். ஆனால் பாஜக கட்சி அங்கு அபாரமாக வெற்றிபெற்று இருக்கிறது.

ஹிமாச்சல பிரதேசத்தில் நடந்த மாநில தேர்தலுக்கான வாக்கு எண்ணிக்கை தற்போது நடந்து வருகிறது. இந்த வாக்கு எண்ணிக்கையில் தற்போது பாஜக 44 தொகுதிகளில் அபாரமாக வெற்றி பெற்று இருக்கிறது. காங்கிரஸ் 20 தொகுதிகளில் வெற்றிபெற்று உள்ளது.

இதன் மூலம் ஹிமாச்சல பிரதேசத்தில் காங்கிரஸ் ஆட்சி முடிவிற்கு வந்துள்ளது. பாஜக விரைவில் ஆட்சி அமைக்க இருக்கிறது.

ஆனால் ஹிமாச்சல பிரதேச தேர்தலில் பாஜக முதல்வர் வேட்பாளராக அறிவிக்கப்பட்ட பிரேம் குமார் துமல், தான் போட்டியிட்ட சுஜான்பூர் தொகுதியில் தோல்வி அடைந்து இருக்கிறார். பிரேம் குமார் துமல் மொத்தம் 12,836 வாக்குகள் பெற்றார். காங்கிரஸ் கட்சியை சேர்ந்த ரஜிந்தர் ராணா 15,656 வாக்குகள் பெற்று உள்ளார்.

இதையடுத்து ரஜிந்தர் ராணா, பிரேம் குமாரை விட 2,820 வாக்குகள் அதிகம் பெற்று வெற்றி பெற்று உள்ளார். இதனால் பாஜக கட்சியில் முதல்வர் பதவிக்கு புதிய நபர் தேர்ந்தெடுக்கப்பட வேண்டும்.

English summary

BJP CM candidate Prem Kumar Dhumal is last in Sujanpur. Congress candidate Rajinder Rana win with 15,656 votes, where as Prem Kumar Dhumal got only 12,836 votes.