குஜராத் சட்டசபை தேர்தலில் பாஜகவுக்கு சங்குதான்.. சொல்வது சொந்த கட்சி எம்.பி காகடே!

குஜராத் சட்டசபை தேர்தலில் பாஜக தோல்வி அடையும் என அக்கட்சி எம்.பி. சஞ்சய் காகடே கூறியுள்ளார்.

புனே: குஜராத் சட்டசபை தேர்தலில் பாஜக படுதோல்வியைத் தான் தழுவும் அக்கட்சி எம்.பி. சஞ்சய் காகடே தெரிவித்த கருத்து பரபரப்பை கிளப்பியுள்ளது.

குஜராத் சட்டசபை தேர்தலில் பதிவான வாக்குகள் நாளை எண்ணப்பட்டு முடிவுகள் அறிவிக்கப்படுகின்றன. வாக்குப் பதிவு முடிவடைந்த உடனேயே வெளியான கருத்து கணிப்புகள் அனைத்தும் பாஜக ஆட்சி அமைக்கும் என கூறின.

இந்நிலையில் மகாராஷ்டிராவை சேர்ந்த பாஜக எம்.பி.யான சஞ்சய் காடே, குஜராத்தில் தமது கட்சி படுதோல்வியைத்தான் தழுவும் என அதிரடியாக கூறியிருப்பது பரபரப்பை ஏற்படுத்தியுள்ளது. இது தொடர்பாக சஞ்சய் காகடே கூறியதாவது:

தற்போதைய தேர்தலில் குஜராத்தில் பாஜக வெல்லாது. காங்கிரஸ் கட்சிக்கே பெரும்பான்மை கிடைக்கும்.

இது என்னுடைய சொந்த கருத்து கணிப்பு. நான் அனுப்பிய 6 பேர் கொண்ட குழுவின் கருத்து கணிப்பு.

குஜராத்தில் வளர்ச்சி குறித்து பாஜக பிரசாரம் செய்யாமல் வாக்காளர்கள் உணர்வுகளைத் தான் தூண்டிவிட்டனர். ஆட்சியிலேயே இல்லாத காங்கிரஸைத்தான் அவர்கள் விமர்சித்தனர்.

இவ்வளவுக்கும் பிறகு பாஜக வென்றுவிட்டால் நிச்சயமாக பிரதமர் மோடி மட்டுமே அதற்கு காரணம்.

இவ்வாறு சஞ்சய் காகடே கூறியுள்ளார்.

English summary

BJP Rajya Sabha MP Sanjay Kakade has claimed that his party would not win enough seats to form the next government in the Gujarat.