உங்க பாட்டி தான் ஹிட்லர்...: மோடியை ‘ஹிட்லர்’ என விமர்சித்த ராகுலுக்கு பாஜக பதிலடி
டெல்லி: குஜராத் பிரச்சாரக் கூட்டத்தில் பாஜக பிரதமர் வேட்பாளர் மோடியை, ஹிட்லரோடு ஒப்பிட்ட ராகுலுக்கு பதிலடி கொடுக்கும் விதமாக அவரது பாட்டியும், முன்னாள் பிரதமருமான இந்திரா காந்தியை ஹிட்லர் என விமர்சித்துள்ளது பாஜக.
நேற்று நேற்று குஜராத் மாநிலம், ஆமதாபாத்தில் இருந்து 35 கி.மீ. தொலைவில் உள்ள கேதாவில் ராகுல் பிரசாரம் மேற்கொண்டார். அதில், ‘சில தலைவர்கள் ஹிட்லர் போன்றவர்கள்; நான் மகாத்மா காந்தி வழியில் நடப்பவன்' என பாஜக பிரதமர் வேட்பாளரும், அம்மாநில முதல்வருமான மோடியை மறைமுகமாகத் தாக்கிப் பேசினார்.
காங்கிரஸ் துணைத் தலைவர் ராகுல் காந்தியுன் பேச்சுக்கு பதிலடி கொடுக்கும் விதமாக இன்று பேசிய பாரதீய ஜனதா தலைவர்களில் ஒருவரான பிரகாஷ் ஜவடேகர் கூறுகையில், ‘ஒருவேளை இந்தியாவின் வழித்தோன்றலாய் ஹிட்லர் போல் ஒருவர் வந்தால் அது காங்கிரசில் இருந்துதான் வரும் .நரேந்திர மோடியை ஹிட்லர் என்று அழைப்பது தவறான ஒன்று.
நாட்டில் ஹிட்லர் போல் யாரேனும் செயல்பட்டார்கள் என்றால் அது வேறு யாரும் இல்லை.ராகுல் காந்தியின் பாட்டி (இந்திரா காந்தி)யாகத்தான் இருக்கும். காங்கிரஸ் மட்டுமே ஹிட்லரை போன்று செயல்படுகிறது' என இவ்வாறு அவர் தெரிவித்துள்ளார்.
Click it and Unblock the Notifications
Sign in with Google