என்னவாம், மமதா பானர்ஜிக்கு மோடி மீது திடீர் கரிசனம்?: பாஜக கிண்டல்

டெல்லி: பிரதமர் மோடிக்கு புத்தாண்டு வாழ்த்து அட்டை அனுப்பிய மேற்கு வங்க முதல்வர் மமதா பானர்ஜியை பாஜகவினர் கிண்டல் செய்துள்ளனர்.

புத்தாண்டையொட்டி மேற்கு வங்க மாநில முதல்வர் மமதா பானர்ஜி பிரதமர் நரேந்திர மோடிக்கு குஜராத்தி மொழியில் வாழ்த்து அட்டை அனுப்பினார். பதிலுக்கு மோடி மமதாவுக்கு பெங்காலி மொழியில் வாழ்த்து அட்டை அனுப்பியிருந்தார்.

மோடிக்கு தான் அனுப்பிய வாழ்த்து அட்டை பிடித்திருந்தது என்பதை அறிந்து மகிழ்ச்சி அடைந்ததாக மமதா தெரிவித்துள்ளார். இந்நிலையில் இதை பாஜகவினர் கிண்டல் செய்துள்ளனர்.

இது குறித்து பாஜக தேசிய செயலாளர் சித்தார்த் நாத் சிங் கூறுகையில்,

2016ம் ஆண்டில் அப்படி என்ன மாறிவிட்டது என்று வியக்கிறேன்? மமதா மோடிக்கு குஜராத்தி மொழியில் புத்தாண்டு வாழ்த்து தெரிவித்துள்ளார். இதே மோடியை சிறையில் தள்ளுவேன் என்று அவர் 2014ம் ஆண்டு கூறினார்.

சாரதா ஊழல் குறித்த சிபிஐ விசாரணை, கைது, திரிணாமூல் காங்கிரஸ் கட்சி தலைவர்களுக்கு சம்மன் அனுப்பியதால் மமதாவுக்கு இந்த திடீர் கரிசனமா? என்றார்.

English summary

BJP on Thursday mocked West Bengal Chief minister Mamata Banerjee's new year greetings to Prime Minister Narendra Modi, saying whether it was CBI inquiry into the Saradha scam that prompted her to extend such courtesy to latter.