2019 லோக்சபா தேர்தலிலும் பாஜகவின் வெற்றி தொடரும்.. அமித்ஷா தடாலடி
Recommended Video
டெல்லி: 2019 லோக்சபா தேர்தலிலும் பாஜக வெற்றி தொடரும் என்று பாஜக தலைவர் அமித்ஷா தெரிவித்துள்ளார்.
திரிபுரா, மேகாலயா, நாகாலாந்து மாநில சட்டசபை தேர்தல் முடிவுகள் பாஜகவுக்கு சாதகமாக வெளியான நிலையில், நிருபர்களிடம் அமித்ஷா கூறியதாவது:
பாஜக இந்தியா முழுமைக்குமான கட்சியாக வளர்ந்துவிட்டது என்பதை வடகிழக்கு மாநிலங்களில் பெற்ற வெற்றி நிரூபணம் செய்து காட்டிவிட்டது. ஆனால், கேரளா, மேற்கு வங்கம், ஒடிசாவிலும் வெற்றி பெற்றால்தான் அதை பாஜகவின் பொற்காலம் என கூற முடியும். அதை நோக்கி முன்னேறுவோம்.
கர்நாடகாவில் பாஜக வெற்றி உறுதி செய்யப்பட்டுவிட்டது. திரிபுராவில் கூட்டணி கட்சிகளையும் அமைச்சரவையில் சேர்த்துக்கொள்வோம்.
பிரதமர் மோடி தனது பிரச்சாரத்தில், இந்தியாவின் மேற்கு மாநிலங்கள் வளர்ச்சியை பெற்றுள்ளன. கிழக்கு மாநிலங்கள் பின்தங்கியுள்ளன என்பதை சுட்டி காட்டினார். மோடியின் வளர்ச்சி கொள்கைகளை வடகிழக்கு மக்கள் ஏற்றுக்கொண்டுள்ளனர். பிரதமராக மோடி பதவியேற்றதுமே, Act East Policy என்ற கொள்கையை அறிமுகப்படுத்தினார். இதனால் வடகிழக்கு மாநிலங்கள் வளர்ச்சியடைய ஆரம்பித்துள்ளன.
இவ்வாறு அமித்ஷா தெரிவித்தார்.