குஜராத் தேர்தலுக்கான மூன்றாவது கட்ட வேட்பாளர் பட்டியலை வெளியிட்டது பா.ஜ.க

குஜராத் சட்டசபை தேர்தலுக்கான 28 வேட்பாளர்கள் அடங்கிய மூன்றாவது கட்ட பட்டியலை பா.ஜ.க வெளியிட்டது.

காந்திநகர் : குஜராத் சட்டசபைத் தேர்தலுக்கான மூன்றாவது கட்ட வேட்பாளர் பட்டியலை அம்மாநில பாரதிய ஜனதா கட்சி அறிவித்துள்ளது.

வருகிற டிசம்பர் 9ம் தேதி மற்றும் 14ம் தேதிகள் குஜராத் மாநில சட்டசபைக்கான தேர்தல் நடைபெற இருக்கிறது. இதுவரை பா.ஜ.க இரண்டு வேட்பாளர் பட்டியலையும், காங்கிரஸ் கட்சி ஒரு வேட்பாளர் பட்டியலையும் வெளியிட்டுள்ளது.

இந்நிலையில், பா.ஜ.க.,வின் மூன்றாவது கட்ட வேட்பாளர் பட்டியல் இன்று வெளியானது. இதில் 28 வேட்பாளர்களின் பெயர் இடம் பெற்றுள்ளது.

182 சட்டசபை தொகுதிகள் அடங்கிய குஜராத்தில், பா.ஜ.க இதுவரை 134 தொகுதிகளுக்கான வேட்பாளர்களை அறிவித்து உள்ளது. காங்கிரஸ் 77 தொகுதிகளுக்கு வேட்பாளர்களை அறிவித்து உள்ளது.

அதிகமாக புதியவர்களுக்கு வாய்ப்பு கொடுக்கும் கொள்கையை இந்த முறை பாஜக கைவிட்டுள்ளது. இதுவரை அறிவிக்கப்பட்ட வேட்பாளர்களில் அதிக எண்ணிக்கையில் சிட்டிங் எம்.எல்.ஏ.,க்களுக்கே வாய்ப்பளிக்கப்பட்டுள்ளது.

English summary

BJP released its Third list of Candidates for Gujarat Assembly Elections. So far 134 Candidates name announced.