எச்சரிக்கை மணி அடிச்சாச்சு.. மோடியின் குஜராத்திலேயே பாஜக இப்படி தவழுகிறதே!

BJP struggling to get majority at PM Modi's own state, which is a warning bell for the party.

டெல்லி: சர்வ வல்லமை படைத்த பிரதமர் என பாஜகவினரால் புகழப்படும் நரேந்திர மோடியின் சொந்த மாநிலத்தில் அவர் சார்ந்த பாஜக கடும் நெருக்கடியை சந்தித்து வருகிறது.

ஆரம்பத்தில் பாஜகவுக்கு சாதகமாக டிரெண்ட் வெளியான நிலையில் 9 மணிக்கெல்லாம் காங்கிரஸ் முன்னிலை பெற்றது. பின்னர் மெதுவாக பாஜக முன்னேறி வந்து சமநிலை போட்டியை ஏற்படுத்தியது.

10 மணி நிலவரப்படி பாஜக லேசான முன்னிலை பெற்றுள்ளது. இருப்பினும், இதுவும் எப்போது வேண்டுமானாலும் மாறலாம்.

திணறல்

நரேந்திர மோடி முதல் முறையாக பிரதமராகியுள்ளார். நான் இந்த மண்ணின் மகன் என குஜராத்தில் அவர் பிரச்சாரம் செய்தார். இருப்பினும், பாஜக நிலைமை மூச்சுதிணறிக்கொண்டுள்ளது.

பெரிய படிப்பினை

பாஜக தோற்கிறதோ அல்லது வெற்றி பெறுகிறதோ அது முக்கியமில்லை. பிரதமரின் சொந்த மாநிலத்தில், இந்த அளவுக்கு பாஜக நெருக்கடியை சந்தித்ததே அக்கட்சிக்கு ஒரு பெரிய படிப்பினைதான். இதன்பிறகாவது மத்தியில் ஆட்சி முறையில் பல மாற்றங்களை முன்னெடுத்தாக வேண்டிய கட்டாயம் பாஜகவுக்கு ஏற்பட்டுள்ளது.

பொருளாதார கொள்கைகள்

பாஜகவின் சமீப கால பொருளாதார கொள்கைகள்தான், குஜராத்தில் பாஜகவுக்கு பின்னடைவை ஏற்படுத்தியுள்ளதாக கூறப்படுகிறது. 22 வருடகாலம் தொடர்ந்து பாஜக அங்கு ஆட்சி செய்த அதிருப்தியலைதான் இதற்கு காரணம் என்று பாஜகவினர் சொல்லி சமாளிக்க கூடும்.

காங்கிரஸ் பெரிய முன்னேற்றம்

ஆனால் மோடி அளவுக்கு மத்தியிலும், மாநிலத்திலும் பிரபலமான ஒரு தலைவர் இல்லாமல் காங்கிரஸ் இந்த அளவுக்கு முன்னேறியுள்ளதே பெரிய சாதனைதான் என்கிறார்கள் அரசியல் நோக்கர்கள். மொத்தத்தில் குஜராத் டிரெண்ட் என்பது பாஜகவுக்கு ஒலிக்கப்பட்ட எச்சரிக்கை மணியாகவே பார்க்கப்படுகிறது.

English summary

BJP struggling to get majority at PM Modi's own state, which is a warning bell for the party.