மோடி பதவியேற்பு: பாஜகவினர் பட்டாசு வெடித்து கொண்டாட்டம்

டெல்லி: பிரதமராக நரேந்திரமோடி பதவியேற்றதை நாடெங்கிலும் பாஜகவினர் பட்டாசு வெடித்து கொண்டாடினர்.

குடியரசு தலைவர் மாளிகையில் இன்று மாலை நடந்த புதிய அரசின் பதவியேற்பு விழாவில் பிரதமராக நரேந்திரமோடி பதவியேற்றார். அமைச்சர்களும் பதவி பிரமாணம் எடுத்துக் கொண்டனர். இதை தொலைக்காட்சிகளிலும், இணையதளங்களிலும் நேரடியாக பார்த்த பாஜக தொண்டர்கள், உற்சாகத்தில் பட்டாசுகளை வெடித்து கொண்டாடினர். மோடி வெற்றி பெற்ற வாரணாசி, வதோதரா தொகுதிகள் விழாக்கோலம் கொண்டிருந்தன.

அனைத்து மாநில பாஜக அலுவலகங்களிலும் மாலை ஐந்து மணி முதல் தொண்டர்கள் கூடி ஒருவருக்கொருவர் இனிப்புகளை கொடுத்தும், பட்டாசு வெடித்தும், ஆடியும், பாடியும் தங்களது மகிழ்ச்சியை வெளிப்படுத்தினர். பெங்களூர் நகரில் கர்நாடக பாஜக சார்பில் 2 லட்சம் லட்டுகள் வினியோகிக்கப்பட்டன.

English summary

BJP celebrates Narendra Modi’s swearing-in on Monday evening, many states bask in the festive mood. More than two lakh laddus distributed at various places across Bangalore city.