பேஷன் ஷோ நிகழ்ச்சி அருகே குண்டுவெடிப்பு.. நடிகை சன்னிலியோனுக்கு என்னவாயிற்று? யாருக்கு காயம்?

சன்னி லியோன் கலந்து கொண்ட நிகழ்ச்சியில் குண்டுவெடிப்பு

Published: Sunday, February 5, 2023, 19:53 [IST]

Subscribe to Oneindia Tamil

இம்பால்: பேஷன் ஷோ நிகழ்ச்சியில் சன்னிலியோன் கலந்து கொண்ட போது அந்த நிகழ்விடத்திற்கு அருகே ஒரு இடத்தில் குண்டுவெடிப்பு நடந்ததால் பரபரப்பு ஏற்பட்டது.

அமெரிக்காவில் பிறந்த இந்தியா வம்சாவளியை சேர்ந்தவர் சன்னி லியோன். இவர் கவர்ச்சி நடிகையாவார். முதலில் ஆபாச படங்களில் நடித்து வந்தார். இதன் பின்னர் இந்தியா வந்த அவர் பாலிவுட் திரைப்படங்களில் நடிக்க தொடங்கி கவர்ச்சி கன்னியாக வலம் வருகிறார்.

இவர் பாலிவுட் மட்டும் இல்லாமல் தமிழ், தெலுங்கு, மலையாளம் உள்ளிட்ட மொழி படங்களில் நடித்து வருகிறார். முன்னணி நடிகர்களுக்கு இணையாக சன்னிலியோனுக்கு இந்தியா முழுவதும் ரசிகர்கள் உள்ளனர்.

கடைத் திறப்பு விழா

அவர் கடைத் திறப்பு விழாவுக்கோ ஏதேனும் நிகழ்ச்சிக்கோ வருவதை அறிந்தால் அவரை பார்க்க ஏராளமானோர் குவிந்து விடுகிறார்கள். தமிழில் இவர் வடகறி எனும் படத்தில் ஒரு பாடலுக்கு நடனமாடியுள்ளார். அது போல் அண்மையில் வெளியான ஓ மை கோஸ்ட் படத்தில் கதாநாயகியாக சன்னி லியோன் நடித்திருந்தார்.

ஓமை கோஸ்ட்

இவரது தமிழகத்தில் நடந்த ஓ மை கோஸ்ட் படத்தின் இசை வெளியீட்டு விழாவில் கலந்து கொண்டார். தனக்கு ஜி.பி.முத்துவை மிகவும் பிடிக்கும் என கூறிய சன்னி லியோன் அவருக்கு பால் கோவா ஊட்டி விட்டு மகிழ்ந்தார். மேலும் அந்த விழாவுக்கு பிங்க் நிறத்தில் பட்டுப்புடவை அணிந்தார். இது ரசிகர்களிடையே பெரும் வரவேற்பை பெற்றிருந்தது.

மணிப்பூர் தலைநகர்

மணிப்பூர் தலைநகர் இம்பாலில் உள்ள ஹட்டா கேங்ஜெய்பங் பகுதியில் பேஷன் ஷோ நிகழ்ச்சி ஒன்றில் சன்னி லியோன் கலந்து கொள்ள முடிவானது. இந்த நிகழ்ச்சிக்கான ஏற்பாடுகளை விழாக்குழுவினர் செய்திருந்தனர். இந்த நிலையில் பேஷன் ஷோ நடைபெறும் பகுதியில் இருந்து 100 மீட்டர் தொலைவில் இன்று காலை 6.30 மணிக்கு குண்டுவெடிப்பு நிகழ்ந்தது.

சலசலப்பு

இதனால் அந்த பகுதியில் சலசலப்பு ஏற்பட்டது. இந்த குண்டுவெடிப்பால் யாருக்கும் காயம் ஏற்படவில்லை. இது சக்தி வாய்ந்த வெடிகுண்டு அல்லது எறிகுண்டாக இருக்கலாம் என தெரிகிறது. இந்த குண்டுவெடிப்பு சம்பவம் எதனால் ஏற்பட்டது என தெரியவில்லை. இந்த சம்பவத்திற்கு பயங்கரவாத அமைப்பு ஏதும் பொறுப்பேற்கவில்லை. சன்னி லியோன் கலந்து கொள்ளவிருந்த நிகழ்ச்சியில் குண்டுவெடிப்பு சம்பவம் நிகழ்ந்தது பெரும் பரபரப்பை ஏற்படுத்தியுள்ளது.

Published On February 5, 2023