வீட்டு வேலைக்கு முனிம்மா வேண்டுமா?, ஆன்லைனுக்கு வாங்க: ட்விட்டரில் தீயாக பரவும் விளம்பரம்

மும்பை: வீட்டு வேலைக்கு பணிப்பெண் தேவைப்படுபவர்கள் ஆன்லைனில் தேர்வு செய்யலாம் என்கிற விளம்பரம் ட்விட்டரில் தீயாக பரவியுள்ளது.

தற்போது வீட்டு வேலைக்கு, குழந்தையை பார்த்துக் கொள்ள பெண்கள் கிடைப்பது பெரிய விஷமாக உள்ளது. இந்நிலையில் மும்பையைச் சேர்ந்த நிறுவனம் ஒன்று ஆன்லைனில் பணிப்பெண்களை தேர்வு செய்வது குறித்த விளம்பரத்தை வெளியிட்டுள்ளது.

bookmybai.com என்ற இணையதளத்திற்கு சென்று உங்களுக்கு வீட்டு வேலைக்கா, சமையலுக்கா, குழந்தைகளை பார்த்துக் கொள்ளவா, வயதானவர்களை கவனித்துக் கொள்ளவா எதற்கு ஆள் வேண்டுமோ தேர்வு செய்யலாம்.

இந்த விளம்பரம் ட்விட்டரில் தீயாக பரவியுள்ளது. வைரம் எல்லாம் வேஸ்ட் உங்கள் மனைவிக்கு பணிப்பெண்ணை பரிசளியுங்கள் என்ற வாசகத்துடன் விளம்பரம் செய்யப்பட்டுள்ளது.

விளம்பரத்தை பார்த்த பல பெண்கள் பணிப்பெண் தேடும் பிரச்சனை தீர்ந்தது என்று நிம்மதி அடைந்துள்ளனர். ஆனால் ஒரு சிலர் விளம்பரத்தை கிண்டல் செய்து வருகிறார்கள்.

English summary

An advertisement by an online maid booking service company is going viral on twitter.