கர்நாடகா: ஹூப்ளி ரயில் நிலையத்தில் கட்டிடம் இடிந்து விபத்து; 5 பேர் பலி

ஹூப்ளி: கர்நாடக மாநிலம் ஹூப்ளி ரயில் நிலையத்தில் கட்டிடம் இடிந்து விபத்துக்குள்ளானதில் 5 பேர் பரிதாபமாக உயிரிழந்துள்ளதாகவும், மேலும் சிலர் கட்டிட இடிபாடுகளில் சிக்கியுள்ளனர் என்றும் தகவல்கள் தெரிவிக்கின்றன.

கர்நாடக மாநிலம் ஹூப்ளி ரயில் நிலையத்தில் உள்ள காவல் நிலையம் மற்றும் பார்சல் அலுவலக கட்டிடம் இடிந்து விழுந்து விபத்துக்குள்ளானது. இதில் மத்திய ரிசர்வ் படை போலீசார் 2 பேரும், ரயில்வே ஊழியர்கள் இரண்டு பேர் உட்பட 5 பேர் உயிரிழந்துள்ளதாக தகவல்கள் தெரிவிக்கின்றன. கட்டிட இடிபாடுகளில் சிக்கி இருந்த இருவர் மீட்கப்பட்டுள்ளனர்.

மேலும் இடிபாடுகளில் சிக்கியுள்ள 2 பெண் காவலர்களை மீட்கும் பணியில் மீட்பு படையினர் தீவிரமாக ஈடுபட்டு வருகின்றனர். மீட்பு பணியில் இரண்டு தீயணைப்பு வண்டிகள் மற்றும் 3 ஜேசிபி இயந்திரங்கள் ஈடுபடுத்தப்பட்டுள்ளனர். தொடர்ந்து மீட்பு பணிகள் நடைபெற்று வருகிறது.

English summary

Railway station building collapsed Karnataka state in Hubli