மோடி அலையா? அது எங்க இருக்கு? இந்த தோல்வி பாஜகவுக்கு ஒரு பாடம்: சிவசேனா
மும்பை: இடைத்தேர்தல் முடிவுகள் பாஜகவுக்கு பின்னடைவை ஏற்படுத்திருப்பதால் இது அக்கட்சிக்கு ஒரு பாடமாக இருக்கும் என்று அதன் கூட்டணி கட்சியான சிவசேனா வட்டார தகவல்கள் தெரிவிக்கின்றன.
லோக்சபாத் தேர்தலின்போது மோடி அலை பரபரப்பாக பேசப்பட்டது. குஜராத் மற்றும் ராஜஸ்தானில் அனைத்து தொகுதிகளிலும் பாஜக வென்றது.
உத்தர பிரதேசத்திலும் வரலாறு காணாத வெற்றியை பதிவு செய்தது. மத்தியில் பாஜக ஆட்சி அமைந்து 100 நாட்கள் நிறைவடைந்துள்ள நிலையில், தற்போது நடந்து முடிந்த இடைத்தேர்தல் முடிவுகள் தலைகீழாக அமைந்துவிட்டன.
இதுகுறித்து சிவசேனா கட்சியின் மூத்த தலைவர் ஒருவர் கூறுகையில், "மத்தியில் மோடி அரசின் செயல்திறனை இந்த தேர்தல் பிரதிபலிக்கவில்லை. இந்த தேர்தல் பாஜகவுக்கு ஒரு பாடமாக இருக்க வேண்டும்.
மோடி அலை தொடர்பான எங்கள் விமர்சனம் இந்த தேர்தல் மூலம் நிரூபிக்கப்பட்டுள்ளது" என்றார்.
பாஜக-சிவசேனா கூட்டணிமகாராஷ்டிர மாநிலத்தில் சட்டசபைத் தேர்தலை சந்திக்க உள்ளது. அங்கு தொகுதிகள் பங்கீடு இறுதி செய்யப்படாமல் இன்னும் இழுபறியில் உள்ளது என்பது குறிப்பிடத்தக்கது.
Click it and Unblock the Notifications
Sign in with Google