ஓ மை காட்.. இதுல எங்கப்பா 12 புள்ளி இருக்கு?

மும்பை: அப்பப்ப இன்டர்நெட்டில் ஏதாவது சுவாரஸ்யமாக கிளப்பி விடப்படும். அது போல இப்போதும் ஒன்று வைரல் ஆக பரவி வருகிறது. அதுதான் இந்தக் கட்டம். இதில் உள்ள 12 புள்ளிகளையும் உங்களால் பார்க்க முடிகிறதா என்ற சவாலுடன்.

இதுதான் இப்போது இன்டர்நெட்டில் மண்டையை உடைக்கும் புதிராக மாறி வலம் வந்து கொண்டுள்ளது. இது ஒரு ஆப்டிகல் இல்யூசன் (optical illusion)

பிற புதிர்களைப் போல இதை எளிதாக சமாளிக்க முடியவில்லை பலராலும். ஜேக்கஸ் நினியோ மற்றும் கென்ட் ஸ்டீவன்ஸ் ஆகிய இருவர் இதை உருவாக்கியுள்ளனர். இந்தக் கட்டத்தில் மொத்தம் 12 இடங்களில் புள்ளிகள் இருக்கிறதாம். அது அனைத்தையும் கண்டுபிடிக்க முடியுமா என்பதுதான் கேள்வி. ஆனால் ஒரே நேரத்தில் அவற்றைப் பார்க்க முடியுமா என்பதுதான் சவாலும் கூட.

செப்டம்பர் 11ம் தேதி இந்த புதிரை சைக்காலஜி பேராசிரியர் அகியோஷி கிடோவோகா என்பவர் பேஸ்புக்கில் இதைப் போட்டிருந்தார். இப்போது இது படு வேகமாக பரவி வருகிறது. பலரும் இதை ஷேர் செய்து வருகின்றனர். இதுவரை 23,000 ஷேர்களை இது பெற்றுள்ளது. டிவிட்டரிலும் இது வேகமாகப் பரவி வருகிறது. கிட்டத்தட்ட 34,000 முறை அது ரீட்வீட் செய்யப்பட்டுள்ளது. 32,000 லைக்குகள் விழுந்துள்ளன.

ஒருவர் இதுகுறித்துக் கூறுகையில் எனது மூளையை முடிந்தவரை கசக்கி விட்டேன், ஆனாலும் முடியவில்லை. இருந்தாலும் இதை நான் விரும்புகிறேன் என்றஉ கூறியுள்ளார்.

வாங்க பாஸ்.. உங்களால 12 புள்ளிகளையும் ஒரே முயற்சியில் பார்க்க முடிகிறதா.. டிரை பண்ணுங்க, ஓடியாங்க!

English summary

This is the puzzle which is rocking the social media. Pl check it out.