சிபிஎஸ்இ புத்தகங்களை ஆன்லைனில் இலவசமாக தர மத்திய அரசு முடிவு

டெல்லி: சிபிஎஸ்இ பாடப் புத்தகங்களை இலவசமாக ஆன்லைனில் வழங்க மத்திய அரசு முடிவெடுத்திருப்பதாக மத்திய மனித வளத் துறை அமைச்சர் ஸ்மிருதி இராணி கூறியுள்ளார்.

கிழக்கு டெல்லியில் உள்ள கேந்திரிய வித்யாலயா பள்ளி ஒன்றில் நடந்த நிகழ்ச்சியில் கலந்து கொண்டு அவர் பேசுகையில், மத்திய அரசின் நல்லாட்சி திட்டத்தின் கீழ் இந்த நடவடிக்கை எடுக்கப்படவுள்ளது.

ஒன்றரை மாதங்களுக்கு முன்பு என்சிஇஆர்டி புத்தகங்களை ஆன்லைனில் இலவசமாக வழங்கும் நடவடிக்கையை நாங்கள் எடுத்தோம். மொபைல் அப்ளிகேஷன் மூலமாகவும், இ புக் மூலமாகவும் இதைப் பெற முடியும்.

தற்போது சிபிஎஸ்இ பாடத் திட்ட புத்தகங்களையும் ஆன்லைனில் இலவசமாக வழங்கப் போகிறோம். மேலும் ஆடியோ, வீடியோ வடிவிலான போதனா முறைகளையும் இலவசமாக வழங்கத் திட்டமிடப்பட்டுள்ளது என்றார் ஸ்மிருதி.

English summary

All CBSE books and learning material will be made available online for free as part of the Centre's good governance efforts, HRD Minister Smriti Irani said.