அடக் கொடுமையே.. 36-24-36 அளவுதான் அழகான பெண்ணின் உடல் அமைப்பாம்.. சொல்வது சிபிஎஸ்இ பாடம்

டெல்லி: 'சிபிஎஸ்இயுடன் இணைக்கப்பட்ட பள்ளிகள் சிலவற்றில் நடத்தப்படும் 'ஹெல்த் அண்ட் பிசிக்கல் எஜூகேசன்' என்ற பாடப்புத்தகத்தில், '36-24-36' என்ற அளவுதான் அழகான பெண்ணின் உடல் அமைப்பு என விளக்கம் அளிக்கப்பட்டுள்ளது.

பெண்களை இழிவுபடுத்தும் வகையில் அமைந்துள்ள இப்பகுதியை நீக்க வேண்டும் என சமூக இணையதளங்களில் விமர்சகர்கள் கோரிக்கை விடுத்துள்ளனர்.

டெல்லியைச் சேர்ந்த நியூ சரஸ்வதி ஹவுஸ் என்ற புத்தக நிறுவனம் வெளியிட்டுள்ள 'ஹெல்த் அண்ட் பிசிக்கல் எஜூகேசன்' என்ற புத்தகத்தை டாக்டர் வி.கே.சர்மா என்பவர் எழுதியுள்ளார்.

சலசலப்பு

சிபிஎஸ்சிஇயுடன் இணைக்கப்பட்ட பள்ளிகள் சிலவற்றில் இந்த புத்தகம் 12ம் வகுப்பு மாணவர்களுக்கு வழங்கப்பட்டுள்ளது. இது பெரும் சலசலப்பை பெற்றோர்கள் மத்தியில் ஏற்படுத்தியுள்ளது.

சைக்காலஜி - விளையாட்டு

இதில், ‘சைக்காலஜி மற்றும் விளையாட்டு' என்ற பிரிவு உள்ளது. இந்த பாடத்தில் பெண்களின் உடல் அளவுகள் பற்றி விவரிக்கப்பட்டுள்ளது. ‘36-24-36' என்ற அளவுதான் பெண்களின் சிறந்த உடல் அமைப்பு.

இந்த அளவுதான்

உலக அழகி போட்டிகளில் இந்த அளவுதான் பரிசீலனைக்கு எடுத்துக் கொள்ளப்படுகிறது என கூறப்பட்டுள்ளது. இந்தப் பகுதி தற்போது சமூக இணையதளங்களில் வைரலாக பரவி வருகிறது.

சிபிஎஸ்இ மறுப்பு

ஆனால் இந்தப் புத்தகத்தை தாங்கள் மாணவர்களுக்குப் பரிந்துரைக்கவிலலை என்று சிபிஎஸ்இ தரப்பில் மறுப்பு தெரிவிக்கப்பட்டுள்ளது. இதுதொடர்பாக அது வெளியிட்டுள்ள அறிக்கையில், இதற்கும் எங்களுக்கும் சம்பந்தம் இல்லை. தனியார் நிறுவனம் வெளியிட்டுள்ள நூல் இது என்று தெரிவிக்கப்பட்டுள்ளது.

English summary

Excerpts from a class XII Physical Education textbook defining 36-24-36 as the "best body shape for females" have created an outrage on social media with critics demanding that the text be withdrawn.