உலக புற்றுநோய் தினம்: புற்றுநோயை வென்ற யுவராஜ், மனிஷா கொய்ராலா, மம்தா மோகன்தாஸ்

By Siva

Updated: Tuesday, February 4, 2014, 15:21 [IST]

Subscribe to Oneindia Tamil

சென்னை: இன்று உலக புற்றுநோய் தினம் அனுசரிக்கப்படுகிறது. இந்த நாளில் புற்றுநோயை வென்ற பிரபலங்களை பார்ப்போம்.

உலக புற்றுநோய் தினம் இன்று அனுசரிக்கப்படுகிறது. உலக அளவில் புற்றுநோயால் பாதிக்கப்படுவோரின் எண்ணிக்கை அதிகரித்து வருவதாக உலக சுகாதார நிறுவனம் தெரிவித்துள்ளது.

இந்நிலையில் புற்றுநோயை வென்ற சில பிரபலங்களை பார்ப்போம்.

யுவராஜ் சிங்

கிரிக்கெட் வீரர் யுவராஜ் சிங்கிற்கு புற்றுநோய் தாக்கம் ஏற்பட்டது. இதையடுத்து அவர் அமெரிக்காவுக்கு சென்று சிகிச்சை பெற்று பூரண குணமடைந்து நாடு திரும்பினார்.

மனிஷா கொய்ராலா

பிரபல நடிகை மனிஷா கொய்ராலாவுக்கு புற்றுநோய் இருப்பது கண்டுபிடிக்கப்பட்டது. இதையடுத்து அவர் அமெரிக்காவில் சிகிச்சை எடுத்து குணமடைந்தார். யுவராஜ் சிங்கும், மனிஷாவும் புற்றுநோய் குறித்த விழிப்புணர்வு நிகழ்ச்சிகளில் கலந்து கொண்டு வருகின்றனர் என்பது குறிப்பிடத்தக்கது.

மம்தா மோகன்தாஸ்

நடிகை மம்தா மோகன்தாஸுக்கு புற்றுநோய் இருப்பது தெரிய வந்து சிகிச்சை பெற்றார். குணமடைந்த அவருக்கு மீண்டும் நோய் தாக்கம் ஏற்படவே மறுபடியும் சிகிச்சை பெற்றார். தற்போது அவர் பூரண குணமடைந்துவிட்டார்.

லான்ஸ் ஆம்ஸ்டிராங்

டூர் டி பிரான்ஸ் சைக்கிள் போட்டியில் தொடர்ந்து பல முறை பட்டம் வென்ற லான்ஸ் ஆம்ஸ்டிராங் புற்றுநோயுடன் போராடி வென்றவர் என்பது குறிப்பிடத்தக்கது.

கயலி மினோக்

பாடல் ஆசிரியர், நடிகை, பாடகி என்று பல முகங்கள் கொண்ட ஆஸ்திரேலியாவைச் சேர்ந்த கயலி மினோகிற்கு மார்பக புற்றுநோய் ஏற்பட்டது. அவர் புற்றுநோயை வென்று சாதாரணமாக வாழ்ந்து வருகிறார்.

ராபர்ட் டி நீரோ

பிரபல ஹாலிவுட் நடிகரான ராபர்ட் டி நீரோவுக்கு கணைய புற்றுநோய் ஏற்பட்டது. வயாதன காலத்திலும் அவர் புற்றுநோயை எதிர்த்து போராடி வென்றார்.

மார்டினா

40களிலும் டென்னிஸ் போட்டியில் கலந்து கொண்டு வெற்றி பெற்ற வீராங்கனையான மார்டினா நவரத்திலோவாவுக்கு மார்பக புற்றுநோய் ஏற்பட்டது. அவர் சிகிச்சை எடுத்துக் கொண்டு பூரண குணமடைந்தார்.

லிசா ரே

மாடலும், நடிகையுமான லிசா ரே புற்றுநோயுடன் போராடி வென்றவர். அண்மையில் தான் அவருக்கு திருமணம் நடைபெற்றது. புற்றுநோயில் இருந்து மீண்ட பிறகு அவர் துவங்கிய பிளாக் பல புற்றுநோய் நோயாளிகளுக்கு பயனுள்ளதாக உள்ளது.