தமிழக முழு நேர ஆளுநராக கல்ராஜ் மிஸ்ரா விரைவில் நியமனம்?

தமிழகத்தின் முழு நேர ஆளுநராக முன்னாள் மத்திய அமைச்சர் கல்ராஜ் மிஸ்ரா விரைவில் நியமிக்கப்படலாம் என தகவல்கள் தெரிவிக்கின்றன.

டெல்லி: தமிழகத்தின் முழு நேர ஆளுநராக முன்னாள் மத்திய அமைச்சர் கல்ராஜ் மிஸ்ராவை நியமிப்பது தொடர்பாக மத்திய அரசு பரிசீலித்து வருவதாக டெல்லி தகவல்கள் தெரிவிக்கின்றன.

தமிழகத்தின் பொறுப்பு ஆளுநராக மகாராஷ்டிரா ஆளுநர் வித்தியாசாகர் ராவ் கடந்த ஓராண்டாக இருந்து வருகிறார். தமிழகத்துக்கு முழு நேர ஆளுநரை நியமிக்க வேண்டும் என வலியுறுத்தப்பட்டு வருகிறது.

இந்நிலையில் மத்திய அமைச்சரவை மாற்றி அமைக்கப்பட்டது. அதற்கு முன்னதாக மத்திய அமைச்சர் பதவியில் இருந்து மூத்த பாஜக தலைவர் கல்ராஜ் மிஸ்ரா ராஜினாமா செய்தார்.

உத்தரப்பிரதேச மாநிலத்தை மாநிலத்தைச் சேர்ந்த கல்ராஜ் மிஸ்ரா தமிழக ஆளுநராக விரைவில் நியமிக்கப்படலாம் என்கின்றன டெல்லி தகவல்கள். சீனாவில் நடைபெறும் பிரிக்ஸ் மாநாட்டில் இருந்து பிரதமர் மோடி நாடு திரும்பியதும் கல்ராஜ் மிஸ்ரா ஆளுநராக நியமிக்கப்படலாம் எனவும் கூறப்படுகிறது.

English summary

Sources said that the Centre is considering the Senior BJP Leader Kalraj Mishra name for the new Tamil Nadu governor.