உலகை மிரட்டும் ஜிக்கா... இந்தியாவில் நுழையாமல் தடுக்க மத்திய அரசு தீவிரம்

Published: Wednesday, February 3, 2016, 17:17 [IST]

Subscribe to Oneindia Tamil

டெல்லி: ஜிக்கா வைரஸ் இதுவரை இந்தியாவில் பரவவில்லை. எனவே மக்கள் பீதி அடையத் தேவையில்லை. அதேசமயம், ஜிக்கா வைரஸ் பாதிப்புக்குள்ளாகியுள்ள ஆப்பிரிக்க, தென் அமெரிக்க நாடுகள் மற்றும் பிற நாடுகளுக்குச் செல்லும்போது கவனமுடன் இருக்குமாறு மத்திய அரசு இந்தியர்களைக் கேட்டுக் கொண்டுள்ளது.

கொசு மூலம் பரவும் ஜிக்கா வைரஸ் மிகப் பெரிய அளவில் உலக நாடுகளில் பரவி வருவதாக உலக சுகாதார அமைப்பு தெரிவித்துள்ளது. இதையடுத்து உலக நாடுகள் தற்காப்பு நடவடிக்கைகளில் குதித்துள்ளன.

மத்திய அரசும் இந்த வைரஸ் பரவலைத் தடுக்க என்ன மாதிரியான நடவடிக்ககைள் தேவை என்பது குறித்த ஆலோசனைகளில் இறங்கியுள்ளது. மக்களுக்கும் அது பல்வேறு எச்சரிக்கைகளை விடுத்துள்ளது. அறிவுறுத்தல்களையும் அது பட்டியலிட்டுள்ளது.

இதுதொடர்பாக மத்திய சுகாதாரத் துறை வெளியிட்டுள்ள வழிகாட்டு நெறிமுறைகள் அடங்கிய பட்டியல்...

விளம்பர போர்டு...

அனைத்து சர்வதேச, உள்ளூர் விமான நிலையங்களிலும் ஜிக்கா வைரஸ் பாதிப்பு குறித்த சைன் விளம்பர போர்டு வைக்கப்படும்.

சிகிச்சை...

வெளிநாடு சென்று திரும்பும் பயணிகள், இந்த பாதிப்பு தங்களுக்கு பரவியிலிருந்தால் விமான நிலையத்திலேயே அதுகுறித்து உள்ள மையத்தில் சொல்லி நிவாரணம் பெற வேண்டும்.

கருவில் உள்ள சிசுக்கள்...

அமெரிக்க நாடுகளில்தான் ஜிக்கா வைரஸ் தற்போது அதி வேகமாகப் பரவி வருகிறது. இதனால் கருவில் உள்ள சிசுக்கள் கடும் பாதிப்பைச் சந்திக்கின்றன.

ஏடிஎஸ் கொசு...

இந்தியாவில் இதுவரை பரவவில்லை. ஏடிஸ் எகிப்தி என்ற கொசு மூலமாக இந்த வைரஸ் பரவுகிறது. இதுவே டெங்கு நோய் பரவலுக்கும் காரணமான கொசு ஆகும்.

கண்காணிப்புக் குழு...

சுகாதார சேவைகளுக்கான இயக்குநர் ஜெனரல் தலைமையிலும், இந்திய மருத்துவ ஆய்வுக் கவுன்சிலின் கூட்டில் ஒரு கண்காணிப்புக் குழு அமைக்கப்பட்டு தீவிரமாக கண்காணிக்கப்பட்டு வருகிறது.