கர்நாடகா ஆளுநர் மாற்றம்? ரோசய்யாவை நியமிக்கிறது மத்திய அரசு?

பெங்களூர்: தமிழக ஆளுநர் ரோசய்யா விரைவில் கர்நாடகாவுக்கு மாற்றம் செய்யப்படக் கூடும் எனத் தெரிகிறது.

கர்நாடகாவில் முதல்வர் சித்தராமையா தலைமையிலான காங்கிரஸ் அமைச்சரவையில் இடம் பெற்றிருந்தவர் சந்தோஷ் லாட். இவர் மீது சுரங்க முறைகேடு புகார் எழுந்தது. எனவே, இவரை பதவியிலிருந்து நீக்கும்படி கோரிக்கை வலுத்தாலும் முதல்வர் சித்தராமையா கண்டுகொள்ளவில்லை.

இதனால் இந்த விவகாரத்தில் ஆளுநர் பரத்வாஜ்-க்கும் முதல்வருக்கும் இடையே மோதல் வெடித்தது. இதைத் தொடர்ந்து சந்தோஷ் லாட் ராஜினாமா செய்ய நேரிட்டது.

தற்போது குடைச்சல் கொடுக்க தொடங்கியிருக்கும் கர்நாடக ஆளுநர் பரத்வாஜை இடமாற்றம் செய்ய அம்மாநில காங்கிரசார் வலியுறுத்தி வருகின்றனர். இதனால் அவரை மாற்ற காங்கிரஸ் மேலிடமும் ஆலோசித்து வருவதாக கூறப்படுகிறது.

அவருக்கு பதிலாக தமிழக ஆளுநர் ரோசய்யாவை கர்நாடக ஆளுநராக்கவும் பரிசீலிக்கப்படுகிறது என்கின்றன காங்கிரஸ் வட்டாரங்கள்.

English summary

The Centre now discuss to removal of Karnataka governor HR Bhardwaj after differences with ruling Congress govt.