‘சாய்வாலா மை பிஎம்’... டீக்கடைகளை பிரச்சார மேடைகளாக்கிய பாஜக : அதிர்ச்சியில் காங்கிரஸ்

Published: Tuesday, February 4, 2014, 12:31 [IST]

Subscribe to Oneindia Tamil

பெங்களூர்: வரும் நாடாளுமன்றத் தேர்தலில் தங்களது செல்வாக்கை மேலும் அதிகரிக்கும் வகையில் நரேந்திர மோடி பெயரில் ‘சாய்வாலா நமது பிரதமர்' என்ற நூதனப் போராட்டத்தை ஆரம்பித்துள்ளனர் பாஜகவினர்.

பாஜக பிரதமர் வேட்பாளரும், குஜராத் முதல்வருமான நரேந்திர மோடியை ‘டீ விற்றவர்' என சமீபத்தில் விமர்சித்திருந்தார் மணிசங்கர் அய்யர். பெரும் சர்ச்சையை ஏற்படுத்திய அவரது பேச்சைத் தொடர்ந்து அவரைக் கண்டிக்கும் வகையிலும், பாஜகவின் அரசியல் செல்வாக்கை அதிகரிக்கு, வகையிலும் பெங்களூரில் புதிய டீக்கடைகளை ஆரம்பித்துள்ளனர் பாஜகவினர்.

‘ டீக்கடைக்காரர் தான் என் பிரதமர்' (சாய்வாலா மை பிஎம்) என தங்களது புதிய தேர்தல் பிரச்சாரத்திற்கு பெயர் வைத்துள்ளனர் பாஜகவினர். பெங்களூர் காந்திநகரில் பாரதீய ஜனதா கட்சி சார்பில், அதன் மூத்த தலைவர் வெங்கையாநாயுடு தலைமையில் இந்த டீ விற்கும் நூதன போராட்டம் தொடங்கியது.

சாய்வாலா மை பிஎம்....

'சாய்வாலா மை பிஎம்' என்ற வாசகங்களுடன் ஆரம்பிக்கப்பட்டுள்ள இந்த டீக்கடைகளில் டீ ஒரு ரூபாய்க்கு விற்கப் படுகிறது. மேலும், பல இடங்களில் இலவசமாகவே டீ வழங்குகிறார்கள். இதற்கு தேநீர் பந்தல் என அவர்கள் பெயரிட்டுள்ளனர்.

பிரச்சாரத்தளமாகும் டீக்கடைகள்...

அதுமட்டுமின்றி இந்த டீக்க்டையில் மோடியின் வீடியோ பேச்சுக்களும் டிவியில் ஒளிபரப்பப்படுகிறது. அதுமட்டுமின்றி பாஜகவின் பிரச்சார தளமாகவும் அந்த டீக்கடை மாறி வருகிறது.

புதுவகைப் பிரச்சாரம்....

ஒரு ரூபாய்க்கு டீ என்பதால் பொதுமக்கள் பலர் அந்த டீக்கடைகளுக்கு வந்து டீ குடிக்கின்றனர். அவ்வாறு வரும்போது நரேந்திரமோடியை பற்றிய வீடியோக்களையும், கலந்துரையாடல்களையும் மிக ஆர்வத்தோடு கவனித்து வருவதாகவும் கூறப்படுகிறது. இதை ஒரு புதுமாதிரியான பிரச்சார உத்தியாகவே பாஜகவின் செயல்படுத்த தொடங்கிவிட்டனர்.

விரிவு படுத்தத் திட்டம்...

இந்த வகை டீக்கடைகளை பெங்களூர் மட்டுமின்றி கர்நாடக முழுவதிலும் விரிவுபடுத்த மாநில பாஜகவின் முடிவு செய்துள்ளனர். விரைவில் மேலும் 200 இடங்களில் தேநீர் பந்தல்களை அமைக்க அவர்கள் திட்டமிட்டுள்ளனராம். பாஜகவினரின் இந்த அதிரடி திட்டத்தால் காங்கிரஸ் கொஞ்சம் கலங்கித் தான் போயுள்ளதாம்.