ஐடி ரெய்டில் சிக்கிய சேகர் ரெட்டி திருப்பதி தேவஸ்தான வாரியத்தில் இருந்து நீக்கம்: சந்திரபாபு அதிரடி!

ஐடி ரெய்டில் சிக்கிய சேகர் ரெட்டி திருப்பதி தேவஸ்தான வாரியத்தில் இருந்து டிஸ்மிஸ் செய்யப்பட்டார். அவர் போயஸ் கார்டனுக்கு மிகவும் நெருக்கமானவர்.

திருப்பதி: வருமான வரி சோதனையில் சிக்கிய போயஸ் கார்டனுக்கு மிகவும் நெருக்கமான கான்டிராக்டர் சேகர் ரெட்டியை திருப்பதி தேவஸ்தான வாரியத்தில் இருந்து நீக்கி ஆந்திர முதல்வர் சந்திரபாபு நாயுடு அதிரடியாக உத்தரவிட்டுள்ளார்.

தமிழக அரசின் பல்லாயிரம் கோடி ரூபாய் கான்டிராக்ட் பணிகளை சேகர் ரெட்டி செய்து வருகிறார். அவரது வீடு, அலுவலகங்களில் வருமான வரித்துறை அதிரடி சோதனை நடத்தினர்.

தோண்ட தோண்ட...

இச்சோதனையில் கணக்கில் வராத ரூ170 கோடி ரொக்கம், 130 கிலோ தங்கம் பிடிபட்டது. அத்துடன் ரூ100 கோடிக்கு புதிய ரூ2,000 நோட்டுகளும் சிக்கியது பெரும் அதிர்ச்சியை ஏற்படுத்தியது. இது தொடர்பாக தற்போது அமலாக்கப் பிரிவினர் விசாரணை நடத்தி வருகின்றனர்.

புதிய ரூபாய் நோட்டிகள்

இன்று கூட சேகர் ரெட்டியின் வேலூர் வீட்டில் நிறுத்தப்பட்டிருந்த காரில் ரூ24 கோடி பிடிபட்டது. அந்த ரூ24 கோடியும் புதிய ரூ2,000 நோட்டுகளாக இருந்தது.

யாருடைய பினாமி

கருப்பு பண முதலையான சேகர் ரெட்டி யார் யாருக்கு நெருக்கமானவர்? யாருடைய பினாமி என்பது குறித்தும் விசாரிக்கப்பட்டு வருகிறது. இதனிடையே சேகர் ரெட்டியை திருப்பதி தேவஸ்தான வாரியத்தில் இருந்து நீக்க வேண்டும் என்று ஆந்திர அரசியல் கட்சிகள் வலியுறுத்தின.

சந்திரபாபு நாயுடு அதிரடி

இதனை ஏற்று சேகர் ரெட்டியை இன்று திருமலை திருப்பதி தேவஸ்தான வாரியத்தில் இருந்து நீக்கி ஆந்திர முதல்வர் சந்திரபாபு நாயுடு உத்தரவிட்டுள்ளார். சேகர் ரெட்டி, சந்திரபாபு நாயுடுவுக்கும் மிகவும் நெருக்கமானவர் என்பதும் குறிப்பிடத்தக்கது.

English summary

Andhra CM Chandrababu Naidu sacked Sekhar Reddy who was caught in IT Raid from TTD Trust Board member.