சத்தீஸ்கர் தேர்தல்.. ஒன்றல்ல. இரண்டல்ல.. மூன்று முறை.. பாஜக காங்கிரஸ் இடையே இப்படி ஒற்றுமை!

ராய்ப்பூர்: சத்தீஸ்கர் சட்டமன்றத் தேர்தல்கள் 2023: இந்த மாநிலத்தின் முதல் மூன்று தேர்தல்களில், அதாவது 2003 முதல் 2013 வரை பாஜக காங்கிரஸ் இடையே கிட்டத்தட்ட ஒரே மாதிரியான ஒற்றுமை உள்ளது. அதனை இப்போது பார்ப்போம்

மத்தியப் பிரதேசத்தில் இருந்து பிரிந்து 2000 ஆம் ஆண்டு சத்தீஸ்கர் மாநிலம் உருவானது. இங்கு முதல் மாநில சட்டசபை தேர்தல் 2003ல் தான் நடந்தது. இதில் பாஜக 50 இடங்களில் வெற்றி பெற்று ஆட்சியமைத்தது. காங்கிரஸ் அப்போது 37 இடங்களில் வெற்றி பெற்று எதிர்க்கட்சியானது. மற்ற கட்சிகள் 3 இடங்களில் வெற்றி பெற்றன.

அதன் பிறகு ஐந்து ஆண்டுகள் கழித்து 2008லும் அப்படியே தான் தொடர்ந்து. அப்போதும் பாஜக 50 இடங்களில் வென்றது. காங்கிரஸ் 38 இடங்களில் வென்றது. ஒரு இடம் அதிகமாக காங்கிரஸ் வென்றது. 2013ம் ஆண்டு நடந்த சட்டசபை தேர்தலிலும் பாஜகவே வெற்றி பெற்றது. பாஜக 49 இடங்களில் வெற்றி பெற்றது.காங்கிரஸ் 39 இடங்களில் தான் வெற்றி பெற்றது. கிட்டத்தட்ட 2003 முதல்2013 வரை நடந்த 3 சட்டசபை தேர்தலிலும் பாஜகவே வெற்றி பெற்று சத்தீஸ்கர் மாநிலத்தில் ஆட்சி அமைத்தது. ஆனால் வெற்றி பெற்ற 3 முறையும் ஒரேமாதிரியாகவே பாஜக, காங்கிரஸ் கட்சிகள் எம்எல்ஏ சீட்டுகளை பெற்றிருந்தன. 49 அல்லது 50 என்று பாஜகவும் 37 அல்லது39 என காங்கிரஸ் கட்சியும்பெற்றிருந்தன.

ஆனால் 2018ல் தான் அப்படியே அடியோடு மாறியது. இந்த முறை பாஜக மிக மோசமாக தோற்றுப்போனது. 68 இடங்களில் காங்கிரஸ் வெற்றி பெற்று சத்தீஸ்கரில் ஆட்சி அமைத்தது. பாஜக 15 இடங்களில் மட்டுமே வெற்றி பெற்றது. மற்ற கட்சிகள் 7 இடங்களில் தான் வெற்றி பெற்றன.

2009 மற்றும் 2014 நாடாளுமன்ற தேர்தலை பொறுத்தவரை மொத்தம் உள்ள 11 இடங்களில் பாஜக 10 இடத்தில் வென்றது.காங்கிரஸ் கட்சி ஒரு இடத்தில் தான் வென்றது. 2019ம் ஆண்டு பாஜக ஒன்பது இடங்களில் வெற்றி பெற்றது.காங்கிரஸ் கட்சியால் வெறும் இரண்டு இடங்களில் தான் வெற்றி பெற முடிந்தது. 2018 சட்டசபைதேர்தல் காங்கிரஸ் மிகப்பெரிய வெற்றிபெற்றபோதும், நாடாளுமன்ற தேர்தலில் அதிக இடங்களில் வெற்றி பெற முடியவில்லை. இந்த ஆண்டு சட்டசபை தேர்தலும், அடுத்த ஆண்டு மே மாதம் நாடாளுமன்ற தேர்தலும் நடைபெற உள்ள நிலையில், இங்கு பாஜக மற்றும் காங்கிரஸ் இடையே தான் நேரடி போட்டியாக உள்ளது.

English summary

Chhattisgarh Assembly Elections 2023: did you know that in the first three elections of the state, i.e. from 2003 to 2013, Chhattisgarh's final party tally looked almost exactly similar to each other? Read the below story here