சத்தீஷ்கரில் இறங்கி அடிக்கும் காங்கிரஸ்.. பாஜகவுக்கு ஷாக் கொடுத்த டிவி5 எக்சிட் போல்.. முழு விவரம்

ராய்ப்பூர்: சத்தீஷ்கரில் பெரும்பான்மைக்கு 90 இடங்கள் தேவைப்படும் நிலையில், காங்கிரஸ் கட்சி ஆட்சியை தக்க வைக்கும் என்று டிவி5 தேர்தலுக்கு பிந்தைய கருத்துக் கணிப்பு முடிவுகள் கூறுகின்றன.

90 சட்டமன்ற தொகுதிகளை கொண்ட சத்தீஷ்கரில் கடந்த நவம்பர் 7 மற்றும் 17 ஆகிய தேதிகளில் இரு கட்டமாக வாக்குப்பதிவு நடைபெற்று வருகிறது. விறுவிறுப்பாக நடைபெற்ற வாக்குப்பதிவில் மொத்தம் 74 சதவிகிதத்திற்கு மேலாக வாக்குகள் பதிவாகின. தேர்தலில் பதிவான வாக்குகள் வரும் டிசம்பர் 3 ஆம் தேதி எண்ணப்படுகின்றன. சத்தீஷ்கரை பொறுத்தவரை காங்கிரஸ் ஆட்சி நடைபெற்று வருகிறது. முதல்வராக பூபேஷ் பாகேல் உள்ளார்.

சத்தீஷ்கரில் கடந்த 2018 ஆம் ஆண்டுவரை பாஜக ஆதிக்கம் செலுத்தி வந்த நிலையில், கடந்த தேர்தலில் பாஜகவை வீழ்த்தி காங்கிரஸ் ஆட்சி அமைத்தது. இதனால், இழந்த ஆட்சியை மீண்டும் பிடிக்க பாஜக பல்வேறு வியூகத்துடன் தேர்தலை எதிர்கொண்டது. காங்கிரஸ் கட்சியும் ஆட்சியை தக்க வைப்பத்தில் மும்முரம் காட்டியது. இதனால், சத்தீஷ்கரில் ஆட்சியை பிடிக்க இரு கட்சிகளுக்கும் இடையே கடும் போட்டி நிலவுகிறது.

கடந்த 2018 ஆம் ஆண்டு நடைபெற்ற சட்டமன்றத்தில் காங்கிரஸ் கட்சி 71 இடங்களிலும் பாஜக 14 இடங்களில் வெற்றி பெற்றது. பிற கட்சிகள் இதர இடங்களில் வென்றன. இந்த முறை ஆட்சியை பிடிப்பதற்காக இரு கட்சிகளும் கவர்ச்சிகரமான வாக்குறுதிகளை அளித்துள்ளன. காங்கிரஸ் மற்றும் பாஜக கட்சிகளின் தேசிய அளவிலான தலைவர்களும் சத்தீஷ்கரில் தீவிர வாக்கு சேகரிப்பில் ஈடுபட்டனர்.

பாஜக சார்பில் பிரதமர் மோடி, அமித்ஷா உள்பட மத்திய அமைச்சர்கள் பலரும் பிரசாரத்தில் ஈடுபட்டனர். காங்கிரஸ் கட்சிக்காக அக்கட்சி தலைவர் கார்கே, ராகுல் காந்தி, பிரியங்கா காந்தி உள்ளிட்டோரும் பிரசாரத்தில் ஈடுபட்டனர். ராஜஸ்தான், மிசோரம், சத்தீஷ்கர், மத்திய பிரதேசம், தெலுங்கானா ஆகிய ஐந்து மாநில தேர்தலுக்கான வாக்குப்பதிவு முடிந்துள்ள நிலையில், இன்று தேர்தலுக்கு பிந்தைய கருத்துக்கணிப்புகள் வெளியாகின.

இதன்படி, சத்தீஷ்கரில் மீண்டும் காங்கிரஸ் ஆட்சியே அமையும் எனவும் பாஜக தோல்வியடையும் என்றும் டிவி 5 கருத்துக்கணிப்பு வெளியிட்டுள்ளது. டிவி5 வெளியிட்ட தேர்தலுக்கு பிந்தைய கருத்துக்கணிப்பில், காங்கிரஸ் கட்சி 54-66 இடங்களில் வெற்றி பெறும் என்றும் பாஜக 29-39 தொகுதிகளில் வெற்றி பெற வாய்ப்பு இருப்பதாக தெரிவித்துள்ளது.

சத்தீஷ்கரில் மொத்த தொகுதிகள்: 90

பெரும்பாண்மைக்கு - 46

காங்கிரஸ்: 54-66

பாஜக: 29-39

English summary

With 90 seats needed for a majority in Chhattisgarh, the Congress party will retain power, according to TV5's post-election poll results.