சட்டீஸ்கரில் ஆட்சியமைக்க பாஜக-காங்கிரஸ் இடையே இழுபறி வாய்ப்பு: சி வோட்டர் கருத்து கணிப்பு

டெல்லி: சட்டீஸ்கர் மாநிலத்தில் நடந்து முடிந்த சட்டமன்றத் தேர்தலில் பாஜக- காங்கிரஸ் இடையே இழுபறியான நிலை ஏற்படும் சூழல் உருவாகியுள்ளது.

சட்டீஸ்கரில் மொத்தமுள்ள 90 இடங்களில் பாஜக 44 இடங்களில் வெல்லும் என்று டைம்ஸ் நவ்- சி வோட்டர் ஆகியவை இணைந்து நடத்திய கருத்துக் கணிப்பில் தெரியவந்துள்ளது.

இங்கு ஆட்சி அமைக்க 45 இடங்கள் தேவை. ஆட்சியில் உள்ள பாஜக கடந்த தேர்தலில் 50 இடங்களில் வென்றது.

ஆனால், இந்தமுறை முதல்வர் ரமன் சிங் தலைமையிலான பாஜக 6 இடங்களை இழந்து 44 இடங்களையே பிடிக்கும் என்று கருத்துக் கணிப்பு தெரிவிக்கிறது.

அதே நேரத்தில் கடந்த தேர்தலில் 38 இடங்களில் வென்ற காங்கிரஸ் இந்தமுறை 41 இடங்களில் வெல்லும் என்றும், கடந்த தேர்தலில் 2 இடங்களில் வென்ற மாயாவதியின் பகுஜன் சமாஜ் கட்சி இந்த முறையும் 2 இடங்களில் வெல்லும் என்றும் தெரியவந்துள்ளது.

காங்கிரஸ் கூடுதலாக ஓரிரு இடங்களை வென்றாலும் கூட மாயாவதியின் ஆதரவுடன் ஆட்சியைப் பிடிக்க அதிக வாய்ப்பு உருவாகியுள்ளது.

பாஜகவுக்கு 53 இடங்கள்- இந்தியா டுடே:

அதே நேரத்தில் இந்தியா டுடே வெளியிட்டுள்ள கருத்துக் கணிப்பில், சட்டீஸ்கரில் பாஜகவுக்கு 53 இடங்கள் வரை கிடைக்கும் என்றும் மீண்டும் அந்தக் கட்சியே ஆட்சியமைக்கும் என்றும் தெரிவிக்கப்பட்டுள்ளது.

English summary

Exit polls say BJP led by CM Raman Singh will end with 6 seats less than last polls and congress will add 3 more seats.