ஷீலா தீட்சித் வீட்டோட்டு ஒப்பிட்டுப் பாருங்க.. அழைக்கும் அரவிந்த் கேஜ்ரிவால்

டெல்லி: டெல்லி முன்னாள் முதல்வர் ஷீலா தீட்சித்துக்கு ஒதுக்கப்பட்டிருந்த இல்லத்துடன் தமக்கு ஒதுக்கீடு செய்யப்பட்ட பங்களாவை ஒப்பீடு செய்து கொள்ளுமாறு டெல்லி முதல்வர் அரவிந்த் கேஜ்ரிவால் அழைப்பு விடுத்துள்ளார்.

டெல்லியை அடுத்த காசியாபாத்தில் இருந்தபடியே தமது பணிகளை மேற்கொள்வேன், டெல்லியில் அரசு பங்களாவுக்கு மாற மாட்டேன் என்று டெல்லி முதல்வர் அரவிந்த் கேஜ்ரிவால் முதலில் தெரிவித்திருந்தார். பின்னர் அவருக்கு 10 அறைகள் கொண்ட 2 பங்களாக்கள் டெல்லியில் ஒதுக்கீடு செய்யப்பட்டதாக செய்திகள் வெளியாகின.

இதில் ஒன்று அரவிந்த் கேஜ்ரிவால் வசிப்பதற்கும் மற்றொன்று அவர் பணிகளை மேற்கொள்வதற்கும் என்றும் தெரிவிக்கப்பட்டது. ஆடம்பரத்தை விரும்பாத ஆம் ஆத்மி தலைவர்கள் இப்படி செய்யலாமா என்ற விமர்சனத்தையும் இது எழுப்பியது.

இதைத் தொடர்ந்து, செய்தியாளர்கள் தங்களது கேமராக்களைக் கொண்டு வந்து தமக்கு ஒதுக்கப்பட்டிருக்கும் வீட்டையும், முன்னாள் முதல்வர் ஷீலா தீட்சித்தின் இல்லத்தையும் ஒப்பிட்டுப் பார்த்துக் கொள்ளலாம் என்று அழைப்பு விடுத்திருக்கிறார்.

English summary

Delhi Chief Minister Arvind Kejriwal Friday asked the media to compare his recently-allotted official residence to the bungalow of his predecessor Sheila Dikshit, and indicated his was modest.