பாஜகவின் நரேந்திர மோடி வெற்றி – டுவிட்டரில் குவியும் வாழ்த்துக்கள்
டெல்லி: லோக்சபா தேர்தலில் பாஜகவின் மாபெரும் வெற்றியைத் தொடர்ந்து பல்வேறு கட்சித்தலைவர்கள் நரேந்திர மோடிக்கு வாழ்த்து தெரிவித்து வருகின்றனர்.
மேலும், பல காங்கிரஸ் தலைவர்கள் தங்கள் தோல்வியை பெருந்தன்மையாக ஏற்றுக் கொண்டு மோடிக்கு வாழ்த்து தெரிவித்து வருவது குறிப்பிடத்தக்கது.
மேலும், பாஜக தலைவர்கள் மற்றும் பல்வேறு மாநில கட்சித்தலைவர்களின் வாழ்த்துகள் பிரதமராக பதவி ஏற்கப் போகும் மோடியின் டுவிட்டர் பக்கத்தில் குவிந்த வண்ணம் உள்ளன.
டுவிட்டரில் குவியும் தலைவர்களின் வாழ்த்துக்களின் தொகுப்பு இங்கே:
திக்விஜய் சிங்:
மோடி மற்றும் பாஜகவிற்கு என்னுடைய வாழ்த்துக்கள்.அவர்கள் கண்டிப்பாக மக்களின் கோரிக்கைகளை நிறைவேற்றுவார்கள் என நம்புகின்றேன்.
மிலிந் தியோரா:
எனக்கு ஆதரவு அளித்த அனைவருக்கும் நன்றி.தேர்தலில் வெற்றி பெற்ற மோடிஜிக்கு என்னுடைய மனமார்ந்த வாழ்த்துக்கள்.கண்டிப்பாக தேசம் வளர்ச்சி பாதையில் அடியெடுத்து வைக்கும்.அதற்கான பணிகளில் காங்கிரஸ் ஒத்துழைக்கும்.
மன்மோகன் சிங்:
பிரதமர் மன்மோகன் சிங், வெற்றிபெற்ற மோடிக்கு தொலைபேசியில் வாழ்த்து தெரிவித்தார்.
ஜம்மு காஷ்மீர் முதல்வர் ஒமர் அப்துல்லாவும் மோடியை வாழ்த்தியுள்ளார்.
ஒமர் அப்துல்லா:
பாஜகவிற்கும், நரேந்திர மோடிக்கும் என்னுடைய வாழ்த்துக்கள்.அவர் கண்டிப்பாக நாட்டு மக்களின் தேவைகளை பூர்த்தி செய்வார்.
அனில் சாஸ்த்ரி:
இந்த நாள் அனைத்து காங்கிரஸாருக்கும் ஒரு மோசமான நாள்.வெற்றிபெற்ற பாஜகவினருக்கு என்னுடைய வாழ்த்துக்கள்.