‘கை’யில காசு இல்ல… ஒரு மாசம் சம்பளத்தை அனுப்புங்க…: காங்., எம்.பி., எம்.எல்.ஏக்களுக்கு தலைமை உத்தரவு

டெல்லி: கட்சியில் கடும் நிதித்தட்டுப்பாடு நிலவுவதால், எம்.எல்.ஏக்கள், எம்.பிக்கள் அனைவரும் தங்களது ஒரு மாத சம்பளத்தை கட்சிக்கு நன்கொடையாக அளிக்க வேண்டுமென காங்கிரஸ் கட்சியின் தலைமை உத்தரவிட்டுள்ளதாக தகவல் வெளியாகியுள்ளது.

காங்கிரஸ் கட்சியின் பொருளாளர் மோதிலால் வோரா, இதுகுறித்து காங்கிரஸ் கட்சியின் 44 லோக்சபா எம்.பி.க்களுக்கும் 68 ராஜ்யசபா எம்.பிக்களுக்கும் கடிதம் எழுதியுள்ளார்.

அதில் அக்டோபர் மாதம் முதல் வாரத்திற்குள் எம்.பிக்கள் தலா ஒரு லட்ச ரூபாய் டெபாசிட் செய்ய வேண்டுமென கூறப்பட்டுள்ளது. அதோடு முன்னாள் எம்.பி.க்களும் கட்சிக்கு நன்கொடை அளிக்கவேண்டுமென வேண்டுகோள் விடுக்கப்பட்டுள்ளது.

கோடிக்கணக்கில் செலவு

கடந்த பொது தேர்தலில் காங்கிரஸ் கட்சி கோடிக்கணக்கான ரூபாய் செலவு செய்ததாகவும் மாநிலங்களுக்கு ஏராளமான நிதி பிரித்தளிக்கப்பட்டதாலும் அந்த கட்சி நிதி நெருக்கடியை சந்தித்துள்ளதாக கூறப்படுகிறது.

கட்சி வளர்ச்சி நிதி

கடந்த பிப்ரவரி மாதம் கட்சி வளர்ச்சி நிதிக்காக கட்சி உறுப்பினர்கள் ஒவ்வொருவரும் தலா ரூ. 250 தர வேண்டுமென்று உத்தரவிடப்பட்டது. இதில் 75 சதவீதம் மத்திய தலைமைக்கும் 25 சதவீதம் மாநிலத்துக்கும் பகிர்ந்தளிக்கப்படும் என்று அந்த கட்சியின் பொருளாளர் மோதிலால் வோரா தெரிவித்துள்ளார்.

எம்.பிக்கள் நன்கொடை

காங்கிரஸ் கட்சி எம்.பிக்களிடம் நன்கொடை வசூலிக்கும் பொறுப்பு டெல்லி மாநில பொறுப்பாளர் பி.சி. சாக்கோ, டெல்லி மாநில காங்கிரஸ் கட்சித் தலைவர் அஜய் மக்கான் ஆகியோரிடம் ஒப்படைக்கப்பட்டுள்ளது.

நிதி நெருக்கடி

தற்போது மத்தியில் பாரதிய ஜனதா கட்சி ஆட்சி நடப்பதால் பெரும்பாலான நிறுவனங்கள் காங்கிரஸ் கட்சிக்கு நன்கொடை அளிக்க மறுத்துள்ளதால் கட்சியில் நிதிநெருக்கடி ஏற்பட்டுள்ளதாக கூறப்படுகிறது.

English summary

AICC treasurer Motilal Vora has written letters to all 44 Lok Sabha MPs and 65 Rajya Sabha MPs asking them to donate their one month salary, while the Delhi unit of Congress yesterday had a meeting at which ex-MPs and ex-MLAs were asked to deposit Rs 1 lakh each for party fund by the first week of October.