சத்தீஸ்கர் மாநில தேர்தல்: காங்கிரஸ் வேட்பாளரின் சொத்து மதிப்பு ரூ.560 கோடி

ராய்ப்பூர்: சத்தீஸ்கர் மாநிலத்தில் போட்டியிடும் காங்கிரஸ் வேட்பாளரான சிங்தேவின் சொத்து மதிப்பு ரூ560 கோடி என்று குறிப்பிடப்பட்டுள்ளது.

சத்தீஸ்கர் மாநில சட்டசபைக்கு வரும் 11, 19-ந் தேதிகளில் இரண்டு கட்டங்களாக தேர்தல் நடைபெற உள்ளது. மாவோயிஸ்டுகளின் ஆதிக்கம் நிறைந்த மாநிலம் என்பதால் 2 கட்டங்களாக தேர்தல் நடைபெற உள்ளது.

இம்மாநில தேர்தலில் போட்டியிடும் வேட்பாளர்களில் காங்கிரஸ் வேட்பாளர் சிங்தேவ்தான் பணக்கார வேட்பாளர் என்று தெரிய வந்துள்ளது. அரச குடும்பத்தைச் சேர்ந்த அவரது சொத்து மதிப்பு ரூ. 560 கோடி என்று குறிப்பிடப்பட்டுள்ளது.

கடந்த தேர்தலில் அவரது சொத்து மதிப்பு ரூ. 187 கோடியாக இருந்தது. 5 ஆண்டுகளுக்குள் சுமார் ரூ. 400 கோடி சொத்து அவருக்கு அதிகரித்துள்ளது.

அசையா சொத்து மட்டும் ரூ550 கோடி

சிங் தமது வேட்பு மனுவில் அசையும் சொத்துகளாக ரூ10.03 கோடியும் அசையா சொத்துகளாக ரூ550 கோடியும் இருப்பதாக குறிப்பிட்டுள்ளார்.

18 வங்கி கணக்குகள்

அத்துடன் சிங்தேவ் தமக்கு 18 வங்கி கணக்குகள் இருப்பதாகவும் அவற்றில் 94.22 லட்சம் வைத்திருப்பதாகவும் கையில் ரூ4.25 லட்சம் இருக்கிறது என்றும் வேட்புமனுவில் குறிப்பிட்டுள்ளார்.

முதல்வருக்கு?

முதலமைச்சராக இருக்கும் ராமன் சிங் தனக்கு ரூ. 5.61 கோடிக்கு சொத்து இருப்பதாக வேட்பு மனுவில் குறிப்பிட்டுள்ளார்.

ஏழை வேட்பாளர்

சத்தீஸ்கர் மாநில தேர்தலில் போட்டியிடும் வேட்பாளர்களில் ஏழை வேட்பாளராக ஜக்தல்பூர் தொகுதியில் போட்டியிடும் காங்கிரஸ் வேட்பாளர் சமுகாஸ்யாப் கருதப்படுகிறார். அவருக்கு ரூ. 13 லட்சம் மதிப்புள்ள சொத்துக்கள் தான் இருக்கிறதாம். காங்கிரஸ் வேட்பாளர்கள் அனைவரும் கோடீசுவரர்கள் என்பது குறிப்பிடத்தக்கது.

5 ஆண்டுகளில் 260 மடங்கு

பொதுவாக சத்தீஸ்கரில் கடந்த 5 ஆண்டுகளில் வேட்பாளர்கள் சொத்து மதிப்பு 260 சதம் அதிகரித்துள்ளதாம். அதில் 12 எம்.எல்.ஏக்கள் சொத்து மதிப்பு 5 ஆண்டுகளில் 330 சதவீதம் அதிகரித்திருக்கிறதாம்.

English summary

Scion of Sarguja royal family and sitting Congress MLA T.S. Singhdeo is the richest candidate among the aspiring legislators in fray in the Assembly elections in Chhattisgarh with his assets estimated at around Rs 560 crores.