அவசர சட்டத்தை வாபஸ் பெற காங். உயர்நிலைக் குழு பரிந்துரை

By Mathi

Updated: Wednesday, October 2, 2013, 17:19 [IST]

Subscribe to Oneindia Tamil

டெல்லி: தண்டனை பெறும் எம்.பி., எம்.எல்.ஏ.க்கள் தகுதிநீக்கம் செய்யப்படுவதைத் தடுக்க வகை செய்யும் அவசரச்சட்டம் தொடர்பாக காங்கிரஸ் உயர்நிலைக் தீவிர ஆலோசனை நடத்தியது.

பிரதமர் இல்லத்தில் நடைபெற்ற இந்த கூட்டத்தில் காங்கிரஸ் தலைவர் சோனியா காந்தி மற்றும் மூத்த தலைவர்கள் பங்கேற்றனர்.

தற்போது குடியரசுத் தலைவர் பரிசீலனையில் உள்ள தண்டனை பெறும் எம்.பி. எம்.எல்.ஏக்கள் தகுதி நீக்கத்தைத் தடுக்கும் அவசர சட்டத்துக்கு பா.ஜ.க. உள்ளிட்ட எதிர்க்கட்சிகள் கடும் எதிர்ப்பு தெரிவித்திருக்கின்றன. இதேபோல் காங்கிரஸ் கட்சியிலும் எதிர்ப்பு கிளம்பியுள்ளது.

இதனால் அவசர சட்டத்தை திரும்பப் பெறலாமா என்பது குறித்து இந்தக் கூட்டத்தில் விவாதிக்கப்பட்டது. மேலும் கடும் விமர்சனத்துக்குள்ளாகியுள்ள அவசர சட்டத்தை திரும்பப் பெறுமாறும் அரசுக்கு காங்கிரஸ் உயர்நிலைக் குழு பரிந்துரைத்ததாகவும் கூறப்படுகிறது.