குஜராத் உள்ளாட்சித் தேர்தல்: பாஜகவுக்கு பின்னடைவு- விஸ்வரூபமெடுத்தது காங்கிரஸ்

குஜராத் உள்ளாட்சி தேர்தலில் காங்கிரஸ் கட்சி விஸ்வரூபமெடுத்துள்ளது.

அகமதாபாத்: குஜராத் உள்ளாட்சித் தேர்தலில் பாஜக அதிக இடங்களைக் கைப்பற்றியிருக்கிறது. ஆனால் 2013-ம் ஆண்டு உள்ளாட்சித் தேர்தலை ஒப்பிடுகையில் பாஜகவுக்கு கடும் பின்னடைவு ஏற்பட்டுள்ளது.

2013-ம் ஆண்டு உள்ளாட்சித் தேர்தலில் பாஜக மொத்தம் உள்ள 75 நகராட்சிகளில் 59ஐ கைப்பற்றியிருந்தது. இம்முறை 47-ல்தான் பாஜகவால் வெல்ல முடிந்துள்ளது.

அதேநேரத்தில் 2013 தேர்தலில் 9 நகராட்சிகளில் மட்டும் வென்ற காங்கிரஸ் இம்முறை 16 ஐ கைப்பற்றி மிரட்டியுள்ளது. 1905 உள்ளாட்சி இடங்களுக்கு 2013-ல் தேர்தல் நடைபெற்றது. இதில் பாஜக 1144 இடங்களையும் காங்கிரஸ் 449 இடங்களையும் கைப்பற்றின.

இம்முறை 2060 இடங்களுக்கு தேர்தல் நடைபெற்றது. பாஜக 1167 இடங்களைக் கைப்பற்றியது; ஆனால் காங்கிரஸ் 630 இடங்களைக் கைப்பற்றியுள்ளது. கடந்த தேர்தலை விட 200 இடங்களை காங்கிரஸ் கூடுதலாக அள்ளியுள்ளது.

குஜராத் சட்டசபை தேர்தலிலும் பாஜக நூலிழையில் தப்பி வென்றது. காங்கிரஸ் விஸ்வரூபமெடுத்திருந்தது. குஜராத்தில் பாஜகவின் கால்நூற்றாண்டு கால ஆதிக்கத்துக்கு முடிவுரை எழுதிக் கொண்டிருக்கிறது காங்கிரஸ் என்கின்றனர் அரசியல் பார்வையாளர்கள்.

English summary

In Guajarat Local Body Elections Congress increased its numbers. Out of 75 municipalities, BJP has won 47, Congress has won 16.