சில்மிஷங்கள் எதிரொலி: நடிகை நக்மாவுக்கு கூடுதல் பாதுகாப்பு கோரும் காங்கிரஸ்

டெல்லி: தங்கள் கட்சி வேட்பாளர் நக்மாவுக்கு கூடுதல் பாதுகாப்பு அளிக்குமாறு காங்கிரஸ் கட்சி தேர்தல் ஆணையத்திடம் கோரிக்கை விடுத்துள்ளது.

உத்தர பிரதேச மாநிலம் மீரட் தொகுதியில் காங்கிரஸ் கட்சியின் சார்பில் நடிகை நக்மா போட்டியிடுகிறார். அவர் தேர்தல் பிரச்சாரம் செய்ய சென்ற இடத்தில் காங்கிரஸ் எம்.எல்.ஏ. கஜ்ராஜ் சிங் அவரது முகத்தை இழுத்து தன் முகத்துக்கு அருகில் வைத்தது பெரும் பரபரப்பை ஏற்படுத்தியது.

கஜ்ராஜ் நக்மாவுக்கு முத்தம் கொடுத்ததாக கூறப்பட்டது. இதையடுத்து நடந்த பிரச்சார கூட்டத்தில் நக்மா தன்னிடம் தகாத முறையில் நடந்த ஒருவரை கன்னத்தில் அறைந்தார்.

இதையடுத்து நக்மாவுக்கு கூடுதல் பாதுகாப்பு அளிக்கக் கோரி தேர்தல் ஆணையத்திற்கு காங்கிரஸ் கட்சி கடிதம் எழுதியுள்ளது. இதற்கிடையே நக்மா பாதுகாவலர்களை நியமித்துள்ளதாகக் கூறப்படுகிறது.

என்ன தான் பாதுகாவலர்கள் இருந்தாலும் கூட்டத்தில் அவரை பாதுகாப்பது பெரும்பாடாக உள்ளது என்பது குறிப்பிடத்தக்கது.

English summary

Congress has written a letter to election commission seeking additional security for its Meerut candidate actress Nagma.