மோசடி மோடிக்கு ஆதரவதாக மற்றொரு மோடியா? சுஷ்மாவை நீக்க ராகுல் காந்தி வலியுறுத்தல் !!

Published: Tuesday, June 16, 2015, 1:48 [IST]

Subscribe to Oneindia Tamil

ராய்ப்பூர் : லலித் மோடிக்கு உதவிய குற்றச்சாட்டில் சிக்கியுள்ள வெளியுறவுத் துறை அமைச்சர் சுஷ்மா சுவராஜை நீக்க வேண்டும் என்று ராகுல் காந்தி வலியுறுத்தியுள்ளார்.

தேடப்படும் குற்றவாளியான ஐ.பி.எல். முன்னாள் தலைவர் லலித் மோடிக்கு உதவிய குற்றச்சாட்டில் மத்திய வெளியுறவுத்துறை அமைச்சர் சுஷ்மா ஸ்வராஜ் சிக்கியுள்ளார்.

இந்நிலையில், சுஷ்மா சுவராஜை அமைச்சர் பதவியில் இருந்து நீக்க வேண்டும் என்று காங்கிரஸ் துணைத்தலைவர் ராகுல் காந்தி வலியுறுத்தியுள்ளார்.

சத்தீஷ்கார் மாநிலம் கோர்பாவில் அவர் செய்தியாளர்களிடம் கூறியதாவது...

லலித் மோடிக்கு உதவிய சுஷ்மா ஸ்வராஜை நீக்க வேண்டும். அவர் வெறும் அமைச்சர் தான். ஒரு மோடிக்கு ஆதரவாக மற்றொரு மோடி இருப்பதையே இச்சம்பவம் காட்டுகிறது.

பிரதமர் மோடி, கருப்பு பணத்தை மீட்டு வருவதாக உறுதி அளித்தார். ஆனால், கருப்பு பணத்தின் அடையாள சின்னமாக விளங்கும் லலித் மோடிக்கு அவர்கள் மனிதாபிமான அடிப்படையில் உதவிக் கொண்டிருக்கிறார்கள்.

இவ்வாறு ராகுல் காந்தி தெரிவித்தார்.

Published On June 16, 2015