ராஜஸ்தானிலும் பாஜகவுக்கு மரண பயணத்தை காட்டிய காங்.- உள்ளாட்சியில் அமோக வெற்றி!

குஜராத் சட்டசபை தேர்தலில் பாரதிய ஜனதாவை மிரள வைத்த காங்கிரஸ் கட்சி இப்போது ராஜஸ்தானிலும் அதிர வைத்துள்ளது.

ஜெய்ப்பூர்: குஜராத் சட்டசபை தேர்தலில் பாரதிய ஜனதாவை மிரள வைத்த காங்கிரஸ் கட்சி இப்போது ராஜஸ்தானிலும் அதிர வைத்துள்ளது. ராஜஸ்தானில் நடைபெற்ற உள்ளாட்சி இடைத் தேர்தலில் காங்கிரஸ் அமோக வெற்றி பெற்றுள்ளது.

குஜராத் தேர்தலில் பாஜக பிரமாண்ட வெற்றி பெறும் என்ற கருத்து கணிப்புகளை தவிடுபொடியாக்கியது காங்கிரஸ். நூலிழையில் தனிப்பெரும்பான்மையை தாண்டி அரியாசனத்தில் அமர்ந்திருக்கிறது பாஜக.

அப்பாடா ஆட்சிக் கட்டிலில் அமர்ந்துவிட்டோம் என நிம்மதி பெருமூச்சுவிடும் பாஜகவுக்கு ராஜஸ்தானின் உள்ளாட்சி இடைத் தேர்தல் முடிவுகள் மீண்டும் மரண பயத்தைக் காட்டிவிட்டன. உள்ளாட்சி இடைத் தேர்தல் நடைபெற்ற 4 ஜில்லா பரிஷத்துகளையும் காங்கிரஸ் கைப்பற்றிவிட்டது.

27 பஞ்சாயத்து சமிதி இடங்களில் 16 ஐ காங்கிரஸ் அள்ளியது. ஆனால் ஆளும் பாஜகவோ 10 பஞ்சாயத்து சமிதி இடங்களைத்தான் பெற முடிந்தது. வார்டுகளில் காங்கிரஸைவிட ஒன்று கூடுதலாக அதாவது 7-ல் தான் பாஜக வென்றும் இருக்கிறது.

ஜில்லா பரிஷத்துகளில் ஒன்றைக் கூட பாஜகவால் தக்க வைக்க முடியவில்லை. இவை அனைத்தும் பாஜக வசமிருந்து காங்கிரஸ் பறித்துக் கொண்டிருக்கிறது.

English summary

Congress in Rajasthan, winning all the four zila parishad, 16 of the 27 panchayat samiti seats.