'பிரதமர் வேட்பாளர்' அரசியல் சாசனத்துக்கு எதிரானது அல்லவே: ராகுலுக்கு மோடி பதில்

அகமதாபாத்: பிரதமர் வேட்பாளர் என்பது அரசியல் சாசனத்துக்கு எதிரானது அல்ல என்று ராகுல் காந்திக்கு நரேந்திர மோடி பதிலளித்துள்ளார்.

ஹெட்லைன்ஸ் டுடே தொலைக்காட்சிக்கு காங்கிரஸ் துணைத் தலைவர் ராகுல் காந்தி பேட்டியளித்திருந்தார். அதில் அரசியல் சாசனப்படி எம்.பிக்கள்தான் பிரதமரை தேர்ந்தெடுக்க வேண்டும்.. பிரதமர் வேட்பாளர் என்பது அரசியல் சாசனத்துக்கு எதிரானது என்று கூறியிருந்தார்.

இதற்கு பாரதிய ஜனதாவின் பிரதமர் வேட்பாளர் நரேந்திர மோடி பதிலளித்துள்ளார். காந்திநகரில் அம்பேத்கரின் பிறந்த நாளையொட்டி அவரது திருவுருவப் படத்துக்கு மோடி மலர்தூவி மரியாதை செலுத்தினார்.

அதன் பின்னர் செய்தியாளர்களிடம் பேசிய மோடி, காங்கிரஸ் கட்சியின் இளவரசருக்கு பதில் சொல்வது எனில் இந்திய அரசியல் சாசனம் நமக்கு அனைத்து வகையான உரிமைகளையும் கொடுத்துள்ளது. பாபாசாகேப் அம்பேத்கரை அரசியல் லாபங்களுக்காகவே காங்கிரஸ் கட்சி பயன்படுத்துகிறது. ராகுல் காந்தியின் கருத்து அம்பேத்கருக்கு அவமரியாதை தரக்கூடியது என்றார்.

English summary

BJP Prime Ministerial Candidate Narendra Modi said that, India's constitution has given us all types of rights. Sad that Congress party's Shezada is dishonoring Babasaheb Ambedkar.