குற்ற வழக்கில் சிறை... ரஷீத் மசூத் எம்.பி. தகுதி நீக்கம் செய்யப்பட்டார்!

டெல்லி: ஊழல் வழக்கில் சிறைத் தண்டனை பெற்ற காங்கிரஸ் கட்சியின் ராஜ்யசபா எம்.பி. ரஷீத் மசூத் தகுதி நீக்கம் செய்யப்பட்டுள்ளார்.

1990-91ஆம் ஆண்டு மத்திய சுகாதாரத் துறை இணை அமைச்சராக இருந்த போது தகுதியற்றோருக்கு மருத்துவ இடம் ஒதுக்கீடு செய்ததாக வழக்கு தொடரப்பட்டது. இந்த வழக்கில் அண்மையில் டெல்லி நீதிமன்றம் ரஷீத் மசூத்துக்கு 4 ஆண்டுகாலம் சிறைத் தண்டனை விதித்தது.

2 ஆண்டுகாலத்துக்கும் மேல் குற்ற வழக்குகளில் சிறைத் தண்டனை பெறும் மக்கள் பிரதிநிதிகள் தகுதி நீக்கம் செய்யப்பட வேண்டும் என்று உச்சநீதிமன்றம் தீர்ப்பளித்திருந்தது. இதனால் ரஷீத் மசூத்துக்கு தண்டனை விதிக்கப்பட்ட போதே அவர் தகுதி நீக்கம் செய்யப்படுவது உறுதியானது.

இன்று அவர் அதிகாரப்பூர்வமாக தகுதி நீக்கம் செய்யப்பட்டதாக அறிவிக்கப்பட்டுள்ளது.

English summary

Congress MP Rasheed Masood has been disqualified from the Rajya Sabha after being convicted in a graft case. This came after a Delhi court sentenced him to four years in jail in connection with the MBBS seat scam. The Rajya Sabha MP had been convicted of cheating, forgery and corruption in an MBBS seat scam and was sentenced on Tuesday.