இந்திய தயாரிப்பான 'கூல்பேட் நோட் 3' உ.பி.யிலும் ஜோரான விற்பனை

லக்னோ: மேக் இன் இந்தியா திட்டத்தின் கீழ் இந்தியாவிலேயே தயாரிக்கப்பட்ட கூல்பேட் நிறுவனத்தின் 'கூல்பேட் நோட் 3' உத்தரப்பிரதேசத்தில் ஜோராக விற்பனை செய்யப்பட்டு வருகிறது.

'கூல்பேட் நோட் 3' மொபைல்களானது வீடியோகான் நிறுவனத்துடன் இணைந்து தயாரிக்கப்படுகிறது. இது அமேசான்.காமில் மட்டும் எக்ஸ்குளூசிவ்வாக விற்பனை செய்யப்பட்டு வருகிறது. இதன் விலை ரூ8,999.

இந்த 'கூல்பேட் நோட் 3' குறித்து அதன் தலைமை செயல் அதிகாரி சையத் தாஜூதீன் கூறியதாவது:

'கூல்பேட் நோட் 3"-க்கு பெரும் வரவேற்பு கிடைத்துள்ளது. உத்தரப்பிரதேசத்தில் மட்டும் 'கூல்பேட் நோட் 3' , 'கூல்பேட் நோட் 3 லைட்' ஆகியவை 2,70,000 போன்கள் விற்பனையாகி உள்ளன. இவ்வளவு பெரிய வரவேற்பைத் தொடர்ந்து இந்திய சந்தைகளில் முழுமையாக இது கிடைக்கும் வகையில் நடவடிக்கை எடுக்க வேண்டியது எங்களது பொறுப்பு.

உத்தரப்பிரதேச மாநிலத்தில் 'கூல்பேட் நோட் 3' சர்வீஸ் சென்டரும் தொடங்கப்பட்டுள்ளது. 'கூல்பேட் நோட் 3' -ல் பிங்கர்பிரிட் சென்சார் ஆப்சனும் இணைக்கப்பட்டுள்ளது.

5.5 இன்ச் ஹெச்.டி. ஸ்கீரின், 3ஜிபி ராம், 16ஜிபி ஸ்பேஸுடன் இந்த 'கூல்பேட் நோட் 3' உருவாக்கப்பட்டுள்ளது. இந்த ஸ்மார்ட்போன் 4ஜி, 3ஜி, ஜிஎஸ்எம் நெட்வொர்க், டூயல் சிம், எல்இடி பிளாசுடன் கூடிய 13 மெகாபிக்சல் கேமரா, என அனைத்து அம்சங்களில் இயங்கக் கூடியதாக இருக்கும்.

இத்தனை அம்சங்களும் இந்திய சந்தைக்காக, இந்திய நுகர்வோர்களுக்காக என திட்டமிட்டு உருவாக்கப்பட்டுள்ளது. கூல்பேட் குழுமமானது 1993ஆம் ஆண்டு உருவாக்கப்பட்டது. சீனாவில் ஸ்மார்ட் போன் சந்தையில் சிறப்பான இடத்தைப் பிடித்திருக்கிறது. கூல்பேட் நிறுவனம் ஆண்டுக்கு 3.40 கோடி ஸ்மார்ட் போன்கள் உற்பத்தி செய்கின்றன.

இவ்வாறு சையத் தாஜூதீன் கூறினார்.

English summary

Post selling over 270,000 units of the Coolpad Note 3, Coolpad, a global leader in smartphone manufacturing and integrated wireless data solutions plans to tap Uttar Pradesh market.