டெல்லி: 6 மணிநேரம் தாமதமான ஏர் இந்தியா விமானம்… பயணிகள் அவதி

டெல்லி: தலைநகர் டெல்லியில் இருந்து அமெரிக்காவின் நியூயார்க் நகருக்கு செல்லவிருந்த ஏர் இந்தியா விமானம் 6 மணிநேரம் தாமதமாக புறப்பட்டதால் பயணிகள் சிரமத்திற்கு ஆளாகினர்.

டெல்லி இந்திராகாந்தி சர்வதேச விமானநிலையத்தில் இருந்து நள்ளிரவு 1 மணிக்கு ஏஐ-101 விமானம் நேற்றிரவு நியூயார்க் புறப்பட தயாரானது. பயணிகள் விமானத்தில் ஏற தயார் நிலையில் இருந்தனர்.

ஆனால் விமானிக்கு நடைபெற்ற மருத்துவ பரிசோதனையில் அவரால் 16 மணிநேரம் விமானத்தை ஓட்டக்கூடிய தகுதியில்லை என்று தெரியவந்தது

இதனையடுத்து விமானம் புறப்படுவதில் தாமதம் ஏற்பட்டது. வேறு விமானிக்கு தகவல் தெரிவித்து அவர் வந்த பின்பு காலை 6.35 மணிக்கு நியூயார்க் செல்ல வேண்டிய விமானம் புறப்பட்டது.

விமான தாமதத்திற்கு காரணம் பற்றி பயணிகளுக்கு எந்த வித தெளிவான தகவலும் ஏர் இந்தியா சார்பில் தெரிவிக்கப்பட வில்லை என்பதால் 6 மணிநேரம் காத்திருந்து அவதிக்கு ஆளாகினர் பயணிகள். தாமதமான 6 மணிநேரமும் பயணிகள் விடிய விடிய கண்விழித்து காத்திருந்து சோர்வுடன் கிளம்பி விமானத்திற்குள் சென்றனர்.

English summary

Passengers of Air India's Delhi-New York Dreamliner plane were kept confined inside the aircraft at the Indira Gandhi International airport in New Delhi for more than six hours. Passengers had boarded the aircraft at midnight but the plane left only at around 6.35 AM with no information being shared with passengers for the delay, one of the passengers said. The flight AI-101 was scheduled to depart at 1:00 AM.