டெல்லி சட்டசபை தேர்தல் - ஆம் ஆத்மிக்கு 54.3% வாக்குகள்! பாஜக- 32.2%; காங். 9.7% வாக்குகள்!!

டெல்லி: டெல்லி சட்டசபை தேர்தலில் ஆம் ஆத்மி கட்சி 54.3% வாக்குகளைப் பெற்றுள்ளது. பாரதிய ஜனதா கட்சி 32.2% வாக்குகளைப் பெற்றுள்ளது.

2013ஆம் ஆண்டு டெல்லி சட்டசபை தேர்தலின் போது பாரதிய ஜனதா கட்சி 33.1%; ஆம் ஆத்மி 29.5%; காங்கிரஸ் 24.6% வாக்குகளைப் பெற்றிருந்தன.

ஆனால் இம்முறை ஆம் ஆத்மி கட்சியானது காங்கிரஸ் கட்சியின் வாக்குகளை அப்படியே அள்ளி 54.3% வாக்குகளைப் பெற்றுள்ளது. அதாவது மொத்தம் 48,79,127 வாக்குகளை ஆம் ஆத்மி வாங்கியுள்ளது.

பாரதிய ஜனதா 3 தொகுதிகளில்தான் வென்ற போதும் அதன் வாக்கு சதவீதத்தில் 1% அளவுக்குத்தான் சரிவு ஏற்பட்டுள்ளது கவனிக்கத்தக்கது. மொத்தம் 32.2% வாக்குகளை பா.ஜ.க. பெற்றுள்ளது. அக்கட்சி மொத்தம் 28,91, 510 வாக்குகளைப் பெற்றுள்ளது.

காங்கிரஸ் கட்சிதான் 24.6% வாக்குகளைப் பெற்றுவிட்டு தற்போது வெறும் 9.7% வாக்குகளைப் பெற்று படுதோல்வியை எதிர்கொண்டிருக்கிறது. காங்கிரஸ் கட்சிக்கு மொத்தம் 8,67, 027 வாக்குகள்தான் கிடைத்துள்ளன.

English summary

In Delhi assembly elections now AAP got 53.5% votes share.