டெல்லி சட்டசபை தேர்தல்: 24 பேர் கொண்ட முதலாவது வேட்பாளர் பட்டியலை வெளியிட்டது காங்.!
டெல்லி: டெல்லி சட்டசபை தேர்தலில் போட்டியிடும் 24 வேட்பாளர்களின் பெயரை அறிவித்துள்ளது காங்கிரஸ் கட்சி.
70 இடங்களைக் கொண்ட டெல்லி சட்டசபைக்கு 2013ஆம் ஆண்டு தேர்தல் நடைபெற்றது. இத்தேர்தலில் எந்த கட்சிக்கும் பெரும்பான்மை கிடைக்கவில்லை.
இதனால் காங்கிரஸ் ஆதரவுடன் ஆம் ஆத்மி கட்சியின் கெஜ்ரிவால் ஆட்சி அமைத்தார். ஆனால் கெஜ்ரிவால் 48 நாட்களில் பதவி விலகினார்.
இதையடுத்து அங்கு ஜனாதிபதி ஆட்சி அமல்படுத்தப்பட்டது. பின்னர் அவ்வப்போது பாரதிய ஜனதா கட்சி ஆட்சி அமைக்க முயற்சித்து வந்தது.
இதனால் டெல்லியில் சட்டசபையைக் கலைத்துவிட்டு புதிதாக தேர்தலை நடத்தக் கோரி உச்சநீதிமன்றத்தில் வழக்கு தொடரப்பட்டது. இந்த வழக்கு விசாரணையின் போது ஆளுநரின் செயல்பாடுகளை உச்சநீதிமன்றம் விமர்சித்தது.
பின்னர் துணை நிலை ஆளுநர் நஜீப் ஜங் ஆட்சி அமைப்பது குறித்து அரசியல் கட்சிகளுடன் தனித்தனியே ஆலோசனை நடத்தினார். எந்தக் கட்சியும் ஆட்சியமைக்க விரும்பவில்லை என தெரிவித்துவிட்டன.
இதனால் டெல்லி அரசை கலைக்க ஜனாதிபதி தலைவர் பிரணாப் முகர்ஜிக்கு துணைநிலை ஆளுநர் நஜீப் ஜங் கடிதம் அனுப்பினார். இதை ஏற்று ஜனாதிபதியும் நவம்பர் மாதம் டெல்லி சட்டசபையைக் கலைத்து உத்தரவிட்டார்.
தற்போது டெல்லி சட்டசபை தேர்தல் நடைபெற இருக்கிறது. தேர்தல் தேதி அறிவிக்கப்படாத நிலையிலும் அனைத்து அரசியல் கட்சிகளும் வரிந்து கட்டிக் கொண்டு தேர்தல் பணிகளில் மும்முரம் காட்டி வருகின்றன.
காங்கிரஸ் கட்சி 24 வேட்பாளர்களைக் கொண்ட முதலாவது பட்டியலை இன்று வெளியிட்டுள்ளது. இந்த 24 பேருமே 2013ஆம் ஆண்டு தேர்தலில் வெற்றி பெற்றவர்கள் என்பது குறிப்பிடத்தக்கது.
Click it and Unblock the Notifications
Sign in with Google