”டெல்லி செல்கிறீர்களா? பெண்களே ஜாக்கிரதை”

டெல்லி: பெண்களுக்கு சிறிதும் பாதுகாப்பில்லாத பட்டியலில் டெல்லி முதலிடம் பிடித்துள்ளது.

சமீபத்தில் முன்னணி சுற்றுலா இணையதளமான "ட்ரிப் அட்வைசர்" இந்தியாவில் பெண்கள் பயணம் செய்ய பாதுகாப்பில்லாத நகரங்கள் குறித்து ஆய்வு நடத்தியது.

இந்த ஆய்வில் தலைநகர் டெல்லிதான் முதல் இடத்தைப் பிடித்துள்ளது.

மகளிர் தின ஆய்வு:

சர்வதேச மகளிர் தினத்தையொட்டி மேற்கொள்ளப்பட்ட இந்த ஆய்வில் வேலை செய்யும் பெண்கள், இல்லதரசிகள், சுயதொழில் செய்யும் 1068 பெண்களிடம் சுற்றுலாவுக்கான முன்னுரிமைகள் மற்றும் பாதுகாப்பு குறித்து கேள்விகள் கேட்கப்பட்டது.

நகரங்கள்தான் பெஸ்ட்:

இதில், உயரிய பாதுகாப்பு மற்றும் சட்டம் ஒழுங்கு பராமரிப்பு போன்றவற்றிற்காக அதிகமான பெண்கள் நகரங்களுக்கு பயணம் செய்வதையே விரும்புவதாகவும், விடுமுறை நாட்களில் குழுவாக வெளியிடங்களுக்கு செல்ல விரும்புவதாகவும் தெரிவித்தனர்.

பாதுகாப்பற்ற தலைநகர்:

இதையடுத்து, இந்தியாவின் டாப் 10 பாதுகாப்பற்ற நகரங்களின் பட்டியலில் டெல்லி முதலிடம் பெறும் வகையில் 95 சதவீதம் பேர் டெல்லியை தோ்வு செய்துள்ளனர்.

இரண்டாம் இடத்தில் கொல்கத்தா:

இது கடந்த ஆண்டில் 84 சதவீதமாக இருந்தது. இந்த பட்டியலில் இரண்டாவது மற்றும் மூன்றாவது இடங்களை முறையே கொல்கத்தா மற்றும் ஜெய்ப்பூர் ஆகிய நகரங்கள் இடம்பெற்றன. பெண்களுக்கு பாதுகாப்பான நகரமாக அகமதாபாத் தோ்வு செய்யப்பட்டுள்ளது குறிப்பிடத்தக்கது.

English summary

A travel website “Trip adviser” held a survey about secured places for women to travel. In that list, Delhi got first place in not secure city for women.