டெல்லி மக்களுக்கு "ஷாக்"! மின் கட்டணம் 6% உயர்வு !! ஆம் ஆத்மி எதிர்ப்பு!!!

Updated: Friday, June 12, 2015, 23:07 [IST]

Subscribe to Oneindia Tamil

டெல்லி : மின் கட்டணத்தை 6 சதவீதம் உயர்த்த மின்சார ஒழுங்கு முறை ஆணையம் முடிவு செய்துள்ளது.

மின் கட்டணத்தை குறைப்பது, இலவச குடிநீர் உள்ளிட்ட அதிரடி வாக்குறுதிகளை அள்ளி வீசி மீண்டும் ஆட்சிக்கு வந்தார் அரவிந்த் கெஜ்ரிவால்.

இந்நிலையில், மின் கட்டணம் 6 சதவீதம் உயர்த்தப்படுவதாக டெல்லி மின்சார ஒழுங்கு முறை ஆணையம் அறிவித்துள்ளது. இந்த மின் கட்டண உயர்வு வரும் 15 ஆம் தேதி முதல் அமலுக்கு வருகிறது.

மின் கட்டணம் உயர்த்தப்பட்டது குறித்து கருத்து தெரிவித்த மின்துறை அமைச்சர் சத்யேந்திர ஜெயின், இந்த மின்கட்டண உயர்வை ஏற்க முடியாது என்றும் இந்த உத்தரவை மறுபரிசீலனை செய்ய வேண்டும் என மின்சார ஒழுங்கு முறை ஆணையத்தை வலியுறுத்தப் போவதாகவும் கூறினார்.

மின் கட்டண உயர்வுக்கு டெல்லி மக்கள் மத்தியிலும் கடும் அதிருப்தி எழுந்துள்ளது.