அத்தனை எம்.எல்.ஏக்களுக்கும் மீண்டும் சீட்.. டெல்லி சட்டசபை வேட்பாளர்களை அறிவித்தது காங்.

டெல்லி: டெல்லி சட்டசபைத் தேர்தலில் போட்டியிடும் 56 தொகுதிகளுக்கான வேட்பாளர்களை காங்கிரஸ் அறிவித்துள்ளது. இதில் தற்போது எம்.எல்.ஏக்களாக உள்ள அனைவருக்கும் மீண்டும் டிக்கெட் தரப்பட்டுள்ளது.

டிசம்பர் 4ம் தேதி சட்டசபைத் தேர்தலை சந்திக்கிறது டெல்லி. மொத்தம் 70 இடங்கள் உள்ளன. அதில் 56 தொகுதிகளுக்கான வேட்பாளர்களை நேற்று இரவு காங்கிரஸ் அறிவித்தது.

மீதமுள்ள 14 தொகுதிகளுக்கான வேட்பாளர்களை காங்கிரஸ் அறிவிக்கவில்லை. இந்த 14ல், 12 இடங்கள் பாஜக வசம் உள்ளவையாகும். ஒரு இடத்தை இந்திய தேசிய லோக்தளம் வைத்துள்ளது.

மூன்று முறை முதல்வரான ஷீலா தீட்சித், புதுடெல்லியில் போட்டியிடுகிறார். இதே தொகுதியில் போட்டியிட ஆம் ஆத்மி கட்சித் தலைவர் அரவிந்த கேஜ்ரிவால் முடிவு செய்துள்ளது நினைவிருக்கலாம்.

பாஜகவைப் பொறுத்தவரை இதுவரை58 வேட்பாளர்களை அறிவித்துள்ளது. ஆம் ஆத்மி கட்சி 65 வேட்பாளர்களை அறிவித்துள்ளது.

English summary

The Congress Monday declared the names of candidates for 56 constituencies, retaining all its sitting legislators for the Dec 4 Delhi assembly polls, the party said in a statement. The Delhi assembly has 70 seats. Of the remaining 14 seats where the incumbent party did not clear its candidates, 12 are with the BJP and one is held by the Indian National Lok Dal.