அனல் டூ ஆஹா வானிலைக்கு மாறிய டெல்லி... காலையிலேயே மழை.. செம கூல் ஜில் ஜில்!

டெல்லி: டெல்லி செம கூலாக மாறியுள்ளது. பருவமழை அங்கு சூடுபிடிக்கவுள்ள நிலையில் இன்று காலை முதல் வானிலை மொத்தமாக மாறியுள்ளது.

டெல்லியின் பல இடங்களிலும், பரீதாபாத், நொய்டாவிலும் மழை பெய்துள்ளது. காலையிலேயே வானிலை இதமாக மாறி உஷ்ணத்தை அடியோடு குறைத்து விட்டது.

இன்று காலையிலேயே வெப்ப நிலை 27 டிகிரி செல்சியஸாக இருந்தது. இதனால் பல மாதங்களாக நிலவி வந்த வெட்கை தணிந்து தலைநகரமே குளுகுளுவென மாறிப் போயுள்ளது. குறைந்தது 3 நாட்கள் நல்ல மழை பெய்யவுள்ளதாக வானிலை மையம் வேறு சந்தோஷச் செய்தியை சொல்லியுள்ளதால் டெல்லி மக்கள் உற்சாகத்துடன் காத்துள்ளனர்.

Delhi witnesses a change in weather and receives rainfall. Visuals from Mandi House & Feroz Shah Road. pic.twitter.com/lSjNvKMyAh

— ANI (@ANI) June 27, 2018

இன்று காலை முதலே டெல்லியில் லேசான மழை பெய்து வருகிறது. திங்கள்கிழமை வரை அங்கு வெயில் வெளுத்துக் கட்டி வந்தது. தினசரி சராசரியாக 43 முதல் 45 டிகிரி செல்சியஸாக வெயில் பதிவாகி வந்தது. ஆனால் இன்று அடியோடு குறைந்து 27 டிகிரியாக மாறிவிட்டது.

தலைநகரின் பல பகுதிகளிலும் மழை பெய்துள்ளது. மண்டி ஹவுஸ், பெரோஸ் ஷா சாலை உள்ளிட்ட பகுதிகளில் மழை பெய்துள்ளது.

வழக்கமாக ஜூன் 29ம் தேதியன்று டெல்லியில் பருவ மழை தொடங்கும் என்பது குறிப்பிடத்தக்கது.

English summary

Delhi and its surroundings are getting moderate rain since morning and the temperature has come down to 27 degree Celsius this morning.