டோணியின் ஹம்மர் காரை மஹிந்திரா ஸ்கார்பியோ என பதிவு செய்த ராஞ்சி போக்குவரத்து துறை

ராஞ்சி: கிரிக்கெட் வீரர் டோணியின் ஹம்மர் காரை ராஞ்சி போக்குவரத்து துறை தவறுதலாக மஹிந்திரா ஸ்கார்பியோ என்று பதிவு செய்துவிட்டதாக மாவட்ட போக்துவரத்து அதிகாரி தெரிவித்துள்ளார்.

கிரிக்கெட் வீரர் டோணிக்கு அதிவேக கார்கள், பைக்குகள் என்றால் மிகவும் பிடிக்கும். அவர் கடந்த 2009ம் ஆண்டு ரூ. 1 கோடி மதிப்புள்ள ஹம்மர் ஹெச்2 காரை வாங்கியுள்ளார். அந்த காரை ஜார்க்கண்ட் மாநில ராஞ்சி போக்குவரத்து அலுவலகத்தில் பதிவு செய்துள்ளார்.

அப்போது ராஞ்சி போக்குவரத்து அலுவலகத்தில் இருந்த டைப்பிஸ்ட் ஹம்மர் காரை மஹிந்திரா ஸ்கார்பியோ என்று தவறுதலாக டைப் செய்துவிட்டாராம். டைப்பிஸ்ட் செய்த தவறால் டோணி வாகனத்தை பதிவு செய்ய ரூ.4 லட்சத்திற்கு பதில் ரூ.53 ஆயிரம் மட்டுமே செலுத்துமாறு கேட்டுக் கொள்ளப்பட்டார்.

டைப்பிஸ்ட் அப்பொழுது செய்த தவறுக்காக டோணி அபராதத்துடன் வாகன பதிவுக்கான மீதித் தொகையையும் தற்போது செலுத்த வேண்டும் என்று தெரிவிக்கப்பட்டுள்ளது.

இந்த தகவலை ராஞ்சி மாவட்ட போக்குவரத்து அதிகாரி நாகேந்திர பாஸ்வான் தெரிவித்துள்ளார்.

English summary

Ranchi transport department mistakenly registered cricketer Dhoni's H2 as Mahindra Scorpio in 2009.