கமல், நீ ஒரு பேய்: தற்கொலை செய்யும் முன்பு டாக்டர் ப்ரியா எழுதிய பகீர் பேஸ்புக் பதிவு!

By Siva

Updated: Tuesday, April 21, 2015, 15:47 [IST]

Subscribe to Oneindia Tamil

டெல்லி: ஓரினச்சேர்க்கையாளர் கணவரின் கொடுமை தாங்க முடியாமல் தற்கொலை செய்து கொண்ட எய்ம்ஸ் மருத்துவமனை டாக்டர் ப்ரியா வேதி தனது கணவரை பேய் என்று ஃபேஸ்புக்கில் தெரிவித்துள்ளார்.

டெல்லியில் உள்ள எய்ம்ஸ் மருத்துவமனையில் பணியாற்றி வந்தவர் டாக்டர் ப்ரியா வேதி(31). அவருக்கும் எய்ம்ஸ் மருத்துவமனையில் பணியாற்றி வரும் டாக்டர் கமல் வேதிக்கும் கடந்த 5 ஆண்டுகளுக்கு முன்பு திருமணம் நடைபெற்றது. தனது ஓரினச்சேர்க்கையாளர் கணவரின் கொடுமையை தாங்க முடியாமல் ப்ரியா தற்கொலை செய்து கொண்டார்.

அவர் தற்கொலை செய்யும் முன்பு ஃபேஸ்புக்கில் தனது கணவர் பற்றி கூறியிருப்பதாவது,

திருமணம்

நம் சமூகத்திற்கு ஒன்றை நினைவுபடுத்த விரும்புகிறேன். எனக்கும் டாக்டர் கமல் வேதிக்கும் திருமணமாகி 5 ஆண்டுகள் ஆகிவிட்டது. வழக்கமாக திருமணங்களில் நடந்திருக்க வேண்டிய உடல் உறவு எங்களுக்குள் இதுவரை இல்லை.

ஜிமெயில்

கமல் ஏன் என்னுடன் உறவு வைக்காமல் இருக்கிறார் என்று திருமணமான 6 மாதங்கள் கழித்து ஆய்வு செய்தேன். அப்போது தான் அவருடைய லேப்டாப்பில் போலி ஜிமெயில் ஐடி மூலம் அவர் ஓரினச்சேர்க்கையாளர்களுடன் சேட் செய்தது, ஓரினச்சேர்க்கை ஆபாச படங்கள், புகைப்படங்கள் ஆகியவை இருந்ததை கண்டுபிடித்தேன். இது எல்லாம் திருமணத்திற்கு முன்பு நடந்தவை. அவரிடம் கேட்டதற்கு யாரோ என் இமெயில் கணக்கை ஹேக் செய்துவிட்டனர் என்றார்.

உறவு

கமல் தெரிவித்த பதிலை ஏதோ சந்தேகத்துடன் ஏற்றுக் கொண்டேன். அவர் இதுவரை 8 முதல் 10 முறை என்னுடன் உறவு கொள்ள முயன்றார் ஆனால் அவரால் முடியவில்லை. நான் அவரை காதலித்ததால் இது குறித்து நான் யாரிடமும் தெரிவித்தது இல்லை. எல்லாம் சரியாகிவிடும் என்று நினைத்தேன்.

கொடுமை

அவர் என்னையும், என் குடும்பத்தையும் குறை கூற ஆரம்பித்தார். இந்த 5 ஆண்டுகளில் அவர் என்னை மனரீதியாக கொடுமைபடுத்தினார். கடந்த ஒரு மாதத்திற்கு முன்பு அவர் தான் ஒரு ஓரினச்சேர்க்கையாளராக இருக்கலாம் என்று கூறினார். அவருக்கு என்னுடன் இருக்கையில் பாலுணர்வு ஏற்பட்டது இல்லை. ஆனால் அவர் காஷ்மீரைச் சேர்ந்த ஹமாஸ் உள்ளிட்ட ஆண்களுடன் உறவு கொண்டார்.

நண்பர்கள்

கமலின் போலி ஐடியில் டாக்டர் சாகர் துக்ரலின் ஐடியும் இருந்தது. கமலுக்கு சங்கத், சௌரப் ஆகிய ஓரினச்சேர்க்கையாளர்களுடன் தொடர்பு உண்டு. இது தெரிந்தும் ஒரு மனைவியாக அவருடன் இருக்க விரும்பினேன். அவர் நேற்று இரவு என்னை மனரீதியாக ஓவராக கொடுமைபடுத்தினார். அதை என்னால் தாங்கிக் கொள்ள முடியவில்லை,

Hello everyone I want to remind something to our society . I am married since 5 years , with Dr kamal vedi . we don't...
Posted by Priya Vedi on Saturday, April 18, 2015

பேய்

டாக்டர் கமல் வேதி நான் உங்களை அதிகம் காதலிக்கிறேன். நீங்கள் என் மகிழ்ச்சியை எல்லாம் எடுத்துக் கொண்டீர்கள். நீங்கள் மனிதனே இல்லை பேய். என் வாழ்க்கையை என்னிடம் இருந்து எடுத்துக் கொண்ட பேய்.

பெண்

கமல் போன்று யாராவது இருந்தால் தயவு செய்து எந்த பெண்ணையும் திருமணம் செய்யாதீர்கள். அவ்வாறு செய்வதன் மூலம் நீங்கள் ஒரு பெண் மற்றும் அவரது குடும்பத்தாரின் உணர்வுகளோடு விளையாடுகிறீர்கள். நான் இதுவரை உறவு கொண்டதே இல்லை என்பதை நிரூபிக்க மருத்துவ பரிசோதனை செய்ய தயார்.

காதல்

டாக்டர் கமல் வேதி, உங்களிடம் இருந்து நான் எப்பொழுதுமே எதையும் எதிர்பார்த்தது இல்லை. உங்களிடம் இருந்து செக்ஸ் உறவை எதிர்பார்த்தேன் என நினைத்தால் அது தவறு. நான் உங்களை காதலித்ததால் உங்களுடன் இருக்க விரும்பினேன். இதன் முக்கியத்துவம் உங்களுக்கு தெரியாது. நீங்கள் ஒரு குற்றவாளி. டாக்டர் கமலின் குடும்பத்தார் அப்பாவி. ஆனால் கமல் நீங்கள் ஒரு பேய் என்று ப்ரியா தெரிவித்துள்ளார்.