”சச்சின் டெண்டுல்கர் எடிஷன்” – இது பி.எம்.டபிள்யூவின் புதுக் கார்!

மும்பை: இந்திய கிரிக்கெட்டின் "முன்னாள் கடவுள்" சச்சின் டெண்டுல்கரின் பெயரால் ஒரு கார் தயாரிக்கப்பட்டுள்ளது.

சச்சின் டெண்டுல்கருக்கு கிரிக்கெட்டைத் தவிர்த்து கார்கள் என்றால் உயிர். விதம் விதமான கார்களை ரசித்து ஓட்டி மகிழ்பவர் சச்சின்.

இந்த நிலையில் ஜெர்மனியின் பிஎம்டபிள்யூ நிறுவனம் சச்சின் பெயரிலேயே ஒரு காரைத் தயாரித்துள்ளது. 2012ம் ஆண்டு முதல் பிஎம்டபிள்யூ நிறுவனத்துடன் இணைந்து பிராண்ட் அம்பாசடராக வலம் வருபவர் சச்சின். சமீபத்தில் கூட தனது கையால் ஒரு காரை சென்னையில் வைத்து பிக்ஸ் செய்தார் சச்சின்.

இந்த நிலையில் சச்சின் டெண்டுல்கரின் பெயரிலான கார்களை பிஎம்டபிள்யூ வெளியிட்டுள்ளது.

குறிப்பிட்ட அளவிலான எண்ணிக்கையில் இந்த கார்கள் கிடைக்கும். சச்சின் டெண்டுல்கர் எடிஷன் என்ற பெயரிலான இந்தக் கார்கள், 3 சீரிஸ் மற்றும் 5 சீரிஸ் லக்சரி செடன் வகை கார்களாகும்.

இந்தக் கார்களில் சச்சினின் ஆட்டோகிராப்பும் இடம் பெற்றிருக்கும். மொத்தமே 15 கார்கள்தான் தயாரிக்கப்பட்டுள்ளன என்பது முக்கியமானது.

English summary

It’s not a hidden that legendary cricketer Sachin Tendulkar is passionate about cars. What is new is that the iconic cricketer, who has a long association with Germany luxurious car brand, BMW since 2012, has now cars named after him.