கமல்ஹாசனின் மக்கள் நீதி மய்யம்.. அங்கீகரிக்கப்படாத மாநிலக் கட்சியாக அறிவித்தது தேர்தல் ஆணையம்

கமல்ஹாசனின் மக்கள் நீதி மய்யம் கட்சியை தேர்தல் ஆணையம் பதிவு செய்துள்ளது.

டெல்லி: கமல்ஹாசனின் மக்கள் நீதி மய்யம் கட்சியை அங்கீகரிக்கப்படாத மாநிலக் கட்சியாக அறிவித்துள்ளது தேர்தல் ஆணையம்

தாம் தொடங்கிய மக்கள் நீதி மய்யம் கட்சியை பதிவு செய்யக் கோரி தேர்தல் ஆணையத்திடம் கமல்ஹாசன் மனு அளித்திருந்தார். இதன் மீது டெல்லியில் விசாரணை நடைபெற்றது.

தேர்தல் ஆணையம் கேட்ட ஆவணங்களை கமல்ஹாசன் நேரில் தாக்கல் செய்தார். இதற்காக டெல்லியில் முகாமிட்ட கமல்ஹாசன் காங்கிரஸ் தலைவர் ராகுல், முன்னாள் தலைவர் சோனியா உள்ளிட்டோரை சந்தித்து பேசியிருந்தார்.

இந்த நிலையில் இன்று கமல்ஹாசனின் மனுவை ஏற்று மக்கள் நீதி மய்யம் கட்சியை தேர்தல் ஆணையம் பதிவு செய்துள்ளது. தேர்தல் ஆணையத்தின் பதிவு செய்யப்பட்ட "அங்கீகரிக்கப்படாத மாநில கட்சி" பட்டியலில் மக்கள் நீதி மய்யம் இடம் பெறும்.

English summary

The Election Commission today registered Kamal Haasan's Makkal Needhi Maiam as unrecognised state political party.